[الــنـايـف]

اول ما دخلنا النت بالبيت قبل شهر كانت اختنا صمتها وجع راس وكلامها سم هاري مسويه فيها انا يا النايف هكرز انا المدرسات يعتمدون علي بشكل كبير خصوصا في برامج (الاوتنات الاثني عشريه)
قلت انا والله معلوماتي بسيطه بس ما شاء الله عليك يا صمتها ان كانك كذا قالت ما شفت شي
المهم اشتغل الجهاز وهاتك يا طقطقه عليه من الفجر لين الفجر

ومره يا اخوان كنت منسدح على بطني والاعب رجليني اراقب صمتها وهي على الماسنجر تتكلم مع صديقه لا تقل دلاخه عن صمتها نعمه وحصل بينهم الحوار التالي


صمتها دمعه ____ ياليلى الخالد انتٍ وينك يا اختي تراك جننتنيني انت مشغوله؟

ليللى الخالد ____ لا والله ماني مشغوله شكله كمبيوتري فيه عله

صمتها دمعه____ والله الظاهر ان فيه عله مثل راعيته

ليللى الخالد --- صمتها والله يا اختي طول اليوم وانا على السالفه ذي - كانت معي سوده اخت ضميني وزهقت مني وطلعت قبل لا تدخلين انتي

صمتها دمعه_ جاء التفلسف والخبال __ طيب انت شيكتي واير ات التلفون لا يكون مفصول او مافيه حراره وانتي ما دريتي<<< ابوك يالهكرز

الدلخه ليللى الخالد وبكل دلاخه___ لحظه لحظه يا صمتها بشيك السلك وارجع

ليللى الخالد تعود ___ صمتها انتي معي شكلي طولت عليس

صمتها دلاخه ___ معك هاه بشري وش صار لا يكون الواير مقطوع

ليللى الخالد ____ ايه يا صمتها شيكت كل الاسلاك وكلها موصوله بالكمبيوتر وواير التلفون فيه حراره

صمتها خبال ___ غريبه والله هذا الامر اجل من الاتصالات امممممممم والله تحير

ليللى الخالد ____ يمكن ابوي قطع الصفر وحنا ما ندري

---

بالله هذي عاقله انا الغلطان اللي صدقتها ولا وحده تسمي السلطه (زلطه)

والايس كريم (عسكريم)

وعصير البرتقال الاورنج جوز تسميه (عرنجوز)

بالله هذي تفقه شي

لكن ما اقول الا حسبي على حضي المايل الا طلعك لي هنا وهناك

قال الخط مفصول قال