أشوفك يانظر عيني مثل ورده وتقطـر مـي
عقب ماشع ضو الصبح وقبل الشمس ما تطلع
وسط بستان فيه الطير والأشجار فيـه الفـي
وراعيها يراعيها يخـاف إن وردتـه تقطـع
يداريها عن الأشواك ويبعد عن حماها الطـي
ولو أحدٍ يناظرهـا تنمـى نظرتـه ترجـع
وبيدينه يرويهـا ولا يقطـع عليهـا الـري
وهي مثله وفيه دوم لـه تعطـي ولا تمنـع
عبيرٍ فاحت أطيابه نبع من حس كائـن حـي
وفاء الورده أساسه من وفاء شخصٍ بها يطمع
أنا مخطي بتشبيهك بها لورده ولا هي بشـئ
لأنك أجمل من الورد وإنت أحلى وإنت أروع
أنا وردي نما بالجوف وتحديداً بنفس الحـي
سقيته من عروق القلب ورويته مـن المدمـع
عشقته بأول سنينه بوقتٍ كان ما هـو بلـي
سباني وشت أفكاري ومن غيره لها يجمـع؟
عطيته كل أحاسيسي قبل مـا تلمسـه إيـدي
عليه أجود بالدمعه عسى الدمعات لـي تشفـع
وليفٍ فاق بأوصافه شذا الورده ونور الضي
عطاه الله جمال وزين سبحـان مـن أبـدع
حسن وأخلاق متربي وعمره ما مشى بالغـي
نشأ بحماية المولى وبـارك ربـي المطلـع
أبيه بسنـة الخالـق وسنـة عبـده المهـدي
وإذا جاني حبيب الروح أنوار أفراحنا يسطـع
تحريته سنين طوال نوب أصبر ونوب أشكي
عسى ربي يجيبه لي ومن شوفه أريـد أشبـع
صح لسانــــك
كلمات جميله وتعابير أجمل
أحترامي وتقديري