الجزء السادس
يا هند حياتج بتكون للاحلى راح تزووجين عن قصه حب وتتهنين بجمالج .
هند وهي متوتره : ههااا ممممم ماعرف خايفه يا منى خايفه .
وجت منى ومسكت يد هند وبنظره خبث: لا تخافين انتي كلميه يوم واحد وبتشوفين .شنو موافقه ؟
هند ساكته وتمت تفكر ./:_________
منى : ها شو قلتي موافقه .طيعيني يا هند .
هند بعد ما فكرت قالت : موافقه بس اذا ما عجبتني السالفه ما بكلمه
منى وبضحكه خبث وبؤم : لا حبيبتي ماراح تندمين خلاص راح اعطيج رقم الولهان اليوم .
هند وهي خايفه : خلاص خلاص اليوم اليوم بس يالله قومي نروح بنتأخر عن الصف من اول يوم.
وطبعا قدرت منى تقص وتتجذب على صديقتها الساذجه هند.
وكان اول يوم لشغل نوره وبنت خالتها ساره في البنك البريطاني وتوظفو لانهم عندهم مؤهلات كثيره والاكثر انهم يدقنون اللغه الانجليزيه .
ساره : اتصدقين ان اليوم اول يوم وصدق احس برهبه وخوف اول مره اتوظف.
نوره وهي ماسكه ملف بايدها : انا الصراحه ما حس بشي بالعكس فرحانه وايد .
نوره وهي تشوف ساره : بس مو حرام عليج كنتي في السنه الاولى بالجامعه وطلعتي ؟
ساره : لا حبيبتي ما اقدر ببقالي 3 سنوات وانا وخطيبي خالد متفقين انا نتزوج بعد سنه تقريبا .
نوره باستهزاء وتعليق على كلام ساره : يالله خطيبي خالد .مب كأنه اخوي
ابتسمت ساره على كلامها .
اما هند بعد ماردت من المدرسه
هند : يمه يمه
ام خالد : نعم امي خير.
هند : يالله انا ميته من يوووووووع وين الغده .
الام : صبري غناتي على اختج بعدها ما جت من الشغل
هند وبعصبيه : اف اف اف يعني لازم انطر الانسه نوره لين تشرف .
الام : هي لازم تراها اختج وحتى خالد ما جاه .
هند : شوفي اذا ما يو اكثر عن عشر دقايق بروح اكل بروحي .
الام : على هواج وكيفج.
ساره ومعها نوره في السياره رادين بيوتهم من الشغل .
ساره وهي تسوق : شنو رايج نوره نروح اليوم مع ريم نتشرى وبعدين نتعشى في ماكدونالز.
هند : فكره حلوه بس بستأذن من امي واخوي اوكي.
ساره بدلع : اخوج ما بيقول شي اذا عرف انج ويايه حبيبتي .
هند : طبعا ست الحسن والجمال .
وبعد ما هند اتغدت اتصلت صديقتها منى .
هند توها تبى تنام ورن تلفونها .
هند ومنقهره منو يتصل بهالوقت : الو
منى : هلا والله شو هنود نمتي .
هند : ليش تخلين حد ينام . منى ابي انام اختصري
منى : انزين انزين كلتيني. اقول ما تبين رقم الحبيب ولا نسيتي .
هند وهي بتوتر وتصد تشوب الباب خايفه احد يسمع : عاد الله يهديج هذا وقته .
منى : ومتى عيل يالله انا بعطيج الرقم .
هند : شنو تبيني انا تصل .
منى : لا يالغبيه بس خذي الرقم عشان يوم يتصل تعرفين ان هو شوفي بخليه يتصل الساعه 6 اوكي
هند : لا ل اشوفي خلا يتصل الساعه 7 لان هالوقت نوره بتطلع ويا ساره
منى : اوكي خلاص يالله خذي الرقم *******
..وفي المساء راحت ساره ويا نوره وريم مركز البستان عشان يتشرون ويروحون يتعشون .
نوره وهي تمر بين المحلات : الله يهديج يا ساره ما لقيتي الا البستان نتشرى من كثر المحلات .
ريم : هي صدقج نوره ما شي وايد محلات يا ساره .
ساره : ليش حبيبتي عندهم والله محلات حلوه صح ما عندهم وايد محلات بس عندهم بدل حلوه وبعد لان البستان مو زحمه مثل باقي المراكز
نوره : مو زحمه لان اليوم السبت تعالي ايام الويك اند وشوفي الزحمه وبالذات الخميس.
وراحو طبعا يتشرون وبعد ما خلصو راحو تعشون في المركز نفسه .
ومحمد صديق خالد كانوا في السياره .
خالد وهو يسوق: يا اخي ماعرف اليوم وين نطلع .
محمد : هي صدق ملل .
محمد وهو يشوف خالد : ولا تعال شنو اخبار الحلوه ريم
خالد وبنظره يشوف محمد : وشنو اللي ذكرك فيها الحين .
محمد اونه مستحي : لا بس الصراحه من زمان ما شفتها ولا اقول من شفتها ذيج المره وانا كله افكر فيها .
خالد : يعني الحب من اول نظره يالاخ .
محمد : هي صدقت .بس ماشاء الله عليها تدخل الخاطر وحلوه بعد .اتصدق خاطري اشوفها .
خالد فكر بفكره وشاف محمد بخبث وابتسامه عريضه : تعرف شنو بحقق حلمك .
محمد وهي مستغرب: شو قصدك؟ شو بتسوي ?
خالد وهو واثق من عمره : اقولك خلا المهمه لي واصبر .
وفجأه خذ الموبايل واتصل في اخته نوره :
خالد : الوو نوروه
نوره وهي تبتسم وتغمز ساره :هلا بالخطيب الغالي .
ساره وهي تقرص نوره وتقولها بصوت واطي : بس فضحتينا .
خالد : نوروه وينكم ؟
نوره : نحن في مركز البستان قاعدين نبى نطلب عشاء.
خالد : وين بالضبط حددي.
وقالتله نوره الموقع بالضبط .
نوره : ليش يا اخوي شو بتخاوينا .
خالد وهو مستانس : هي اذا ما عندج مانع .
نوره : لا طبعا يا اخوي ما عندي مانع اكيد .
خالد : اصلا لو عندج مانع بعد بيي.
ضحكت نوره .
نوره وهي تبتسم : اوكي اخوي يالله ننتظرك.
ساره : شنو منو ؟
نوره وهي تبتسم : حبيبتي الخطيب يبى يتعشى ويانا .
ريم وهي فاتحه عيونها : ها ااااااا .. شنو . شنو يتعشى أي انا مو من الاهل . استحي .
نوره : سكتي سكتي شنو تستحين عشره عمر ويا بعض .
ساره وهي مساكه ايد ريم :حبيبتي انتي من الاهل لا تنسين اني اعتبرج اختي .
ريم : بعد عمري والله يا ساره . بس ؟
نوره : لا بس ولا شي يالله خلا نطلب لنا .
خالد وهي مبتسم وفرحان وايد ويشوف محمد : ها يالغالي شوف حققت حلمك .
محمد وبنظره تعجب : شو السالفه أي حلم .
خالد : يالاهبل ما قلت انك تبى تشوف ريم خلاص بوديك عندها ونتعشى ويا بعض.
محمد وهو متوتر: هااا شنو انا ايه على كيفك . شنو اتعشى وياهم ما تعرف اني استحي .
خالد يضرب على كتف محمد : ايه شنو تستحي انت حرمه .
محمد : حرمه في وجهك .ولا قول انت اصلا الربحان في هالسالفه ضربت عصفورين بحجر .
خالد وهو يستعبط : ها ليش شو سويت انا .
محمد تبى تحقق حلمي عشان اشوف الريم وانت اصلا بعد تبى تشووف خطيبتك ساره .
خالد وهي مبتسم : ياا خي مثل ما قلت عصفورين بحجر.
وبعد ما وصل عند ساره وريم ونوره .
خالد ويا محمد جايين صوبهم .
الريم كانت تشرب عصير ويوم شافت محمد غصت .
ساره تضرب على ظهرها : ايه شنو فيج اول مره تشربين عصير فضحتينا .
ريم وهي تشوف محمد ومعصبه : ساره الله لا يبارك فيج انتي ما قلتي ان محمد صديق خالد بيي.
ساره فجأه شافت محمد ويا خالد : وي وي خالد ياه.
ريم وتضرب عل ايد ساره : ساره ويعه . انا بحاله وانتي بحاله ثانيه اقولج محمد شنو جايبه مع خالد ويالله يالله وايي محمد .
نوره وهي مستغربه وتشوف ريم : وانتي شنو عرفج في محمد يالريم.
ساره وهي تبتسم وتستهزء: لازم تحفظ اسمه وشكله من هذاك اليوم نحن في المركز وهي كله تمدح فيه .
ريم : بس سكتي فضحتينا هم يايين صوبنا .
خالد وعيونه على ساره : السلام عليكم .
ساره منزله راسها ومستحيه : وعليكم السلام .
محمد وهو متوتر وخايف وعيونه على ريم : الس الس السلام عليكم شلونكم يا بنات
ساره وريم ونوره وعليكم السلام يا هلا .
نوره : تفضلو ليش واقفين؟
خالد وهو قعد علىالكرسي : دام فضلج يا اختي .
خالد وهو يمسك من دشداشه محمد : محمد بلاك واقف تعال اقعد .
محمد وتوه يبى يقعد: ها ان شاء الله .
وطبعا طول القعده محمد عيونه على الريم وخالد اكيد عيونه ما فارقت ساره .
خالد وهو يكلم ساره : ها ساره شنو اخبار الدوام ؟
ساره وبصوت رقيق: تمام الله يعافيك وناسه .
خالد :وناسه من اول يوم بس بعدين كله شغل على راسكم .
خالد وهو يكلم الريم : ها ريم وانتي شلون التقنيه وياج .
الريم وهي مستحيه : تمام الحمد لله .
نور ه وهي تقول لريم في اذنها : شفيه العاشق محمد عيونه عليج .
الريم : سكتي سكتي مالج خص.
ساره : شفيكم عن شنو تتكلمون .
خالد : اكيد يحشون فينا .
خالد وهو يشوف محمد : ولا انت شنو رايك .
محمد : ها ااا .. عن شنو ؟
ساره تضحك : محمد مو داري عن دنيانا .
محمد يبتسم ويشوف الريم .
وهم قاعدين يتكلمون ويسولفون
ولا فجأه??
...
يتبع الان