الـــــــسلام عليـكــم ورحمــه اللـه وبــركــاتـه .
كيف الحال كلكم ان شاء الله بخير
و كــــــل عام و انتم و الوطن الغالي بخير
المهم موضوعي اليوم ( تدررت في كتـابتـه لن الي بيعـارضون كثيـر والعقليـات تختـلف ) بـس موضوعي عن الي صار قبـل امس عندنا بالـخبـر
وش بالضبط اقولكم وش اخلي
صارحة مهزله مابعدها مهزله
كنت رايـح لآحد الـمحـلات ألـي بـالـكورنيـش << وش عندك هناك
المهم نزلت باخذ أغراض ألا يوم دخلت وش أشوف بس !!
تخيلو حريم
لابسيين اعلاام والي حـاطه بخصـرهـا علـم ولـي داقـه الطـمه بشـال وعلم سعـودي ,, ولي تترقص بدريشه والرجال بجهه الثانيه مقابلها ,, والي حاطته بسلااسل ,, وتيشيرتاات ,, وهستره يعني شي مب طبييييييييييييييييعي
رحـت اتــنـاقـش مـع واحـد آعـرفـه قلتلـه كـذا وطنيـكم وكـذا تعبيـركم .
شوفو وش قـال / قال ذا مو يوم وطني ذا ( عيد) وطني << اول خطـآ
قال / البنات هم الى جاين هنـا وش علينـا منهم << ثاني خطـآ
قـال / الدول المجاوره مو آحسن منـا << اكبـر خطـآ
وانقهـرت آكثــر لمـا شفـت .
المبزره الي حاط ربطه والي مصبغ في وجهه<<< ياخي خلهم ينبسطون ويعبرون عن مشاعرهم وش قاهرك انت
المهم أنا جتني ام الركب اول مره يعني يجينا يوم وطني زي كذا
أخذت الاغراض بسرعه وطلعت اول ماطلعت
ألا والطامه الكبرى صايره برا في المواقف !!!!!!
وربي لو ما اخاف الله كان صورتهم بالجوال ونزلتهم لكم تشوفون
تدرون وش شفت بالمواقف
حريم راكبات مع سواق وخذ يا تصفيق وطق <<< تحلف بالله أنهن في عرس
؟
والي زاد الطين بله
الشباب قهر والله
صاكين الشارع من اوله لأخره بالسيارات
الي يفحط
والي يترقص
والي يرقم !! <<< هذا يضرب عصفورين بحجر يوم وطني ويوم غزلي
على طووووول آبي اشكي حالي لحـد قمـت ودقيت على راكـان ولـد عمي في الرياض
قلت بالله اسمع وش يصير عندناء في الخبـر ,, الله لايبـلانـا ببلوـته
قال اصبر انا الحين بشارع التحليه العن منكم عندناء وعندكم خيرررر
سؤالي الحين اوجهه لكل فرد وشاب وفتاة من مملكتنا الغالية
بالله هذي وطنيتكم وهل فعلاً كذا التعبير عن حبكم للوطن ؟
أخواني والله مو قصدي اشرشح في ذا الخلق أو قصدي اشوه سمعت يومناء الوطني
بس تدرون شلي خلاني اكتب هالموضوع
أول مافتحت بريدي على الياهو
تخيلوا 78 مقطع بلوتوثي بيوم وليله تجيني
ولا
كلها فضايح بناتنا وعيالنا !.!.!.! <<< والقهـر لـراحـت هذه الصـور لعـداء المسـلميـن والديـن وش بيقولون << بيقلون ( زاح همـنا ويجعل اعيادهم تكثـر )
الطامه بعد واحد من هالمقاطع ناس اعرفهم شخصيا مصورين
وإلي عنده اي أعتــراض يجاوبني على ها الاسئله :
سؤ الي هو / متى بداء العيد الوطني أو اليوم الوطني ؟ هل حدث في عهد الصحابة أم الخلفاء الراشدون ام التابعين أم السلف الصالح ؟
ثانيا / هل هي عباده ؟
ما أقو ل إلا تذكيرآ بحديث النبي صلى الله عليه وسلم ( لتتبعن سنن من كان قبلكم حذو القذه بالقذه حتى لو دخلو جحر ضب لدخلتموه ) أو كما قال صلى الله عليه وسلم
سؤال اوجهه لمن تحملوا أمانة الاسلام
ماهو جوابكم حين تقفون بين يدي الله سبحانه وتعالى يوم القيامة يوم ينصب الصراط ؟
لا يكفي أن يقول الشخص أنا ليس في يدي شي ولا يكفي أن يقول مغلوب على أمري
فالإمام أحمد بن حنبل رحمه الله جلد حتى أغمي عليه من أجل كلمة واحده وهي ( أن يقول القرآن مخلوق ) ومات من اثر التعذيب
ماقول ألا حسبي الله ونعم الوكيل ,, واللـه أمـــر محــزن جدآآآ .
أخـــوكــم / إبــراهيـــم بـن ســـعــود الدوســـري