تبدل صاحبي عطفك وصرت من الوفاء محروم=طبيعي ينجلي وصلك طبيعي مانشوف وصال
تبدل حسنك وطبعك وصرت الصاحب المعدوم=وجودك أو عدم شوفك تساوت ياوسيع البال
خذاك من الزمن ضيمه وصرت من القساء محكوم=حكمك بفعل ماتفعل وزادك بالهموم جبال
تطاول بالجفاء ليلك وجاك من العناء مقسوم=تعنا بالك وحالك ولالك بالوصل مدهال
مضالك قدرٍ بقلبي وحبٍ بالوفا محشوم=سكن له مدةٍ فيني وغربلني غلاه ليال
عطيتك بالثقه قلبٍ بغاه من العشق مظلوم=حلم به عاشقٍ مغرم وأنا من لهفتك رحال
كشفت كتابك الغامض وشفت إن الورق مضيوم=قريت سطورة الأسرى عرفت إن الهوى قتال
تنصيت الأسف صدمه وجيت من الأسف مهموم=حسافه ماضي الذكرى حسافه رحلة الرحال
ابا أنسي وأعتبر حبك حكاية حالم ومحلوم=ابنسى وأعتبر حلمي لفاني بالمنام وزال
ابنسى واجعل ابن آدم يقول إن الهوى محروم=توفى وأندفن طيفه وكون من عليه رمال