السلام عليكم
وكعادتي مع بداية كل ترم
رحت الحصه الساعه 8 الصبح مواصل ولي ثلاثة أيام ماذقت النوم << من حبي للدراسه!!
دخلت الفصل الا الوجيه يالله لك الحمد, تقول فصل محششين
الشباب عيونهم محمرة, وريحة التفاحتين باوزير تعطعط من مدخل الجامعة << مساكين يتعبون كثير :pipe:
كلها عشر دقائق الا الدكتور المصري مشرف << أنا يوم تخرجت من الثانوية قلت فكه, بس ورانا ورانا
دخل الدكتور وهو مستخف دمه << ماينلام, ماوراه دكتور يخليه يخيس في الماده :mad:
قال بخفة دمه اللي زي السكاكين على قلبي, كل خمسة طلاب يسوون قروب على اساس خمس أشياء مشتركة
التفت للي جنبي قلتله الاخ هلالي ....... قال أعوذ بالله << حشى ابليس مو الهلال
التفت للثاني وقلتله, هلالي , قال انا من مشجعين الدوري الاسباني
قلتله, وأنا أموت في ريال مدريد وبرشلونة
قال لا لا ...... أنا اشجع انتر ميلان << ليش الفلسفه يابابا , يمدحون الوحده والانصار
قلت شورك وهداية الله
انترميلان .. انترميلان خل نفتك بس
شوي الا وثلاثة ثانيين جو وانضموا لي وللاخ حق انترميلان
شوي و جاني الدكتور وسألني عن أسماء الأربعة اللي معاي << مسوي ذيب هو وجهه
بس على مين ياحبيبي أنا كنت مسجل أسمائهم في ورقه وحاطها قدامي << ماني بسيط :pipe:
المهم شوي ويجي الدكتور ويسأل مين بيئرأ ( بيقرأ) ياولاد
طبعا من مبدأ أن الفلسفة شينة, أنا مارفعت يدي << أخس يالجاحظ :cool:
بس كان فيه أثنين ملاقيف كانوا رافعين يديهم << أشكالهم مجلة ماجد وتخب عليهم
سأل الدكتور الطالب الأول: أخر كتاب اريته كان اسمه ايه؟
رد الحلو: الحياة الزوجية للمؤلف الفلاني :lb:
الدكتور حقنا طلع عبيط وملكع وفاهم الحركات حقت الشباب
قال الدكتور: بس يابني الكتاب داه بيتكلم عن العلاقات الزوجيه, هو أنت متجوز, أو على وش جواز؟
رد الطالب: لا
قاله الدكتور ربنا يخرب بيتك, طب بتأراه ليه, جالك الارف, أترزع << أترزع عند المصريين يعني لايكثر وخلك زي الطاوله اللي جالس عليها
سأل الدكتور الاخ الثاني: وانت اخر كتاب اريته كان ايه
رد الحلو: الثقافه الجنسية للمؤلف فلان
بصراحه أنا يوم سمعت هالمصخره غسلت يدي بطرشي من الفصل اللي أنا مسجل فيه :mad:
وقمت الطم على راسي :frown: وأقول
I'm lonely lonely .... I'm lonely in my life
I'm lonely lonely .... God help me to servive
<< الله يرحم أيام زبيدة وأم فيصل :wink:
هذي بعض معناتي في أول يوم دراسه
واسف اذا طولت عليكم
وتسلمو حبايبي على صبركم علي