بعض القصائد من ديوان الشاعر عبدالله بن أحمد ابن سعيد ابن صالح خضر الودعاني
وهو شاعـر سعـودي
من مواليد سنة 1975 م
وقد كانت بدياته عندما كان عمره 17سنه بدا في كتابة الشعر والخوطر
تدري أعذرني
تدري حبيبي . . . فراقك موت!!! . . . و الدنيا في بُعدك تابوت . .
وذكرياتك عقابي . . . وساعة الفرقا حسابي . . .
من بُعادك كل من حولي تراب!! . . . وكل هداياك لي كفن . . .
و كل بكره أمسي سراب . . . و كل حلم الرؤيا . . .يندفن . . .
في بُعادك . . . يا عذابي . . .
ما عاد بالدنيا جمال . . . واستلمت بيدي كتابي . . .
تصدق ! بيدي الشمال !!
وابتداء الحين عقابي . . .
وابتداء الحين عقابي . . .
شوفني أحترق بنار شوقي . . . و الدم يغلي في عروقي . . .
وأصرخ بأعلى صوتي . . . ولا أحد في البشر !! يسمع لي صوت . . .
حبيبي . . .
حبيبي . . .
حبيبي هذا حال الدنيا في بُعدك . . .!!
ما هي حرب . . . قد ما هي برزخ الحب . . .
أعذرني حبيبي . . . فهذا حبك و هذا قلمي بحرفه يبوحي . . .
أعذرني . . .
يا بوي
يا بوي لو أني من العام أرثيك ** وشعري يسجل بالكتب و الجرايد
ما وصلت كل المعاني معانيك ** ولا ظنتي تكفيك جزل الفرايد
شعري وحرفي يا أبيض الوجه يبكيك ** وينزف وريدي في رثاكم قصايد
ودموع عيني كل ساعه تناديك ** تذرف دموع فوق خدي شرايد
لو تنفدا في غالي الروح أفديك ** وأعطيك من عمري سنين ً جدايد
ما هو لحالي يا بوي أنعيك ** غالي وفقدانك على القلب كايد
يا كثر من بالناس يالغالي يغليك ** وفقدتك صارت عليهم فقايد
هاك الرجال تشيل ذكراك وتطريك ** اللي قريب و اللي من الناس نايد
سعيد بن صالح و الأسم يكفيك ** مرحوم يا كساب جزل العوايد
يا واصل الأرحام ذي ميزة ٍ فيك ** ترجى عوضها من جزيل المدايد
عسى الوالي بجنة الخلد يجزيك ** ويثيبك إلاه ٍ على الناس سايد
ومن كوثر الجنة عسى الله يسقيك ** و على الأرائك تتكي و الوسايد
نسألك الغفران من عند و إليك ** رب ٍ رحوم بالرخا و الشدايد
يا بوي لو أني أخذ سنين و أرثيك ** ما ظنتي تطفي بجوفي السهايد
هذا قصيده شوف عيني تعزيك ** وينزف وريدي في رثاكم قصايد
شمعة البيـت
يا هلا والله بحبيبي بشمعة البيت ** و النور كله ينجلي عند نورك في لقاك
في غيابك ضاقت بي الدنيا و تهاويت ** ولو حولي كل الأحباب ما يساوون غلاك
كني غصـن ً غابت عنه الشمس وترديت ** وش عاد ليل ٍ به غبتي تنطفي الشموع بلياك
وفي غيابك أقسم قسـم ما يوم تهنيـت ** ولا يهنا لي شي من الدنيا بدونك يا ملاك
أنتي بدنيتي كل ما فيها والله تمنيت ** من جمال وذوق يا شبيه القمر محلاك
يكفي غياب يكفي ترى صدق مليت ** وإن كان صعبه تجي أنت اشر وتلقاني بمحياك
تقول وينك
تقول وينك..!!! بعد منت عنه تخليت ** ورميته تايه ً و بالأحزان صار مسكون
يا للي وفيت بحب الزين وبالجرح كفيت ** قلب ً يحبك وأصبح منك مطعون
وين أنت يوم أني نخيتك وناديـت ** توه تحس باللي حافظ محبتك و يصون
إسقيتني مر الليالي وبالخيانه جنيت ** وخليت ناس ً رديه فيني اليوم يسلون
إن كان يا خلي بغيري اليوم تهنيت ** الله يهني قلبك بانسان ظالم وملعون
يسقيك كاس الغدر مثل اللي سقيت ** ومثلي تعاف النوم و الهم لك عون
ونا عزيز ًشامخ يالغضي تسميت ** بين البشر ونته معا اللي يدرون
عساك تذكرني بعد ما رحت و قضيت ** معا حبيبك وقت ً من هم و حزون
ويلعن ابو مثلك كاني اليوم تخاويت ** والله لقطع جزل القوافي بالواو و النون
صورة انسان
لا تلوم نفسك الشقى لي عوايد
ما تضحك الدنيا اذا صرت فرحان
في دنيتي سلواي نزف القصايد
ولا جيت ابضحك يخنق الضحك حرمان
الحزن و الهم في دنيتي قلايد
والخد قاع ترتوي بخد الأعيان
هذي حياتي ما بها لي فوايد
عايش على الهامش بلو أو كان
ولهل العنى و الهم أصبحت قايد
أنا العذاب أنا الشقى في صورة انسان
كفـاك حـُــب
الا يا للي مغربلني وتارك لي هموم جداد
حشى ما تخاف من ربك يومنك تجافيني
تركت القلب في حبك كما مسافر بليا زاد
لية تقسى على قلبي مدامك حيل تغليني
لقيت بقلبي المخلص صدق الحب بدون عناد
ولقيت بقلبك الهاجر غرابيلاً تكفيني
مدام اني عطيتك حب واهديتك غلى يزاد
لية تقسى على قلبي وتقطع كل شراييني
أشوفك في خيالي دوم ولو كنتم علي بعاد
وأشوفك في منامي دوم وبأحلامي تخاويني
عيوني بعد ما غبتي عيى لايجيها رقاد
مهو بكيفي يوم حبيتك ولاكنك بليتيني
أفاخر بين احبابي واقول اني ابن شداد
وانك لي مثل عبلة ولا كنك خذلتيني
كفاك حب ياقلبي دامك عايش ولع وسهاد
وحبيبي اللي تمنيتة بشوفاته يمنيني
القـنـاعــة
اتلفـت عـن يميـن وعــن شـمـال
واشوف النـاس حولـي عددهـم كثيـر
يميني فقيـر يسـاري غنـي ومحتـال
وذاك يطـلـب الله راضــي بيسـيـر
وفـلان مـن فرحتـه دمـعـه ســال
وفـلان مـن الحـزن اصبـح ضريـر
حسيـن الغنـي مافادتـه شهـره ومـال
بنتـه مقعـده وابنـه عمـره قصـيـر
والكـل يسـأل لـو مـالـه حــلال
كـان العـلال فـي أهـلـه يصـيـر
أشوف نفسي واضـرب بنفسـي مثـال
واحمـد الله لانــه خلقـنـي فقـيـر
صدقوني بالقناعه قروشي ماتحملها جمال
واملاكـي الخيـل فيها عـام يسـيـر
وبجيبـي خمسـة اريـل تنـادي تعـال
اطلق صراحي واشتـري لـك عصيـر
واردهـا لمثواهـا واقول هـذا مـحـال
لجيبي ارجعـي اهـو مثواكـي الاخيـر
يوم قابلتنـي بنـت معجونـه بجمـال
تمشـي بهـون ثيابهـا مـن حـريـر
شالـت الطرحـه وعلـى الخـد خـال
مـن لمـح هالخـال أصـبـح أجـيـر
حماس جهاد فتح مقاومـه قـوة جبـال
تعجز تقاومها وانبغت فيهـا تستجيـر
رمشهـا ايـه ماقصـر مـنـه طــال
لعنبو ذا الرمـش كيـف خلانـي أسيـر
نـادت اسمي وظنيـت انــه خـيـال
عـادت أسمـي ودعـيـت الله بخـيـر
جاوبتها والجسـم يرعـش فـي عجـال
لوتبـي عينـي غلفتهـا لـك بقسطيـر
اظحكت ونادت اسمـي بصـوت عـال
انتفض قلبـي واصبحـت دنيـاي غيـر
قالـت لـو سمحـت ممـكـن ســؤال
قلـت عيونـي لـك فـدى يـا أمير
قالـت ربعك لـيـه كلـهـم انذال
عرفـت محمد و طلال حتـى سميـر
قامت شياطينـي وسكـن عقلـي خبال
وفزيـت فـزت شجـاع اليـا يغـير
وقلت يا بنـت الحميـر ربعـي رجال
وانتي مجسـم زينـك مكيـاج ومناكيـر
وربعي صغيرهـم علـى كـل حـال
يسوى هلك وربعـك صغيـر وكبيـر
وانا الليـا جيـت لـك باغـي وصـال
لاتحسبي شاني وشـان ربعـي صغيـر
صحيح نطـيـح اللـيـا شفـنـا دلال
ونحسد بعضنـا علـى نجـوى وسهيـر
ووقـت الجد نربـط مشاعرنـا بحبـال
ونرمي بنات الليـل وبعضنـا نستشيـر
علـى ضـو الحطـب واباريـق ودلال
نكتـب نهايـة حـب ونحـدد مصيـر
وبعـد هـذا الحكـي باظـرب مـثـال
النار لـولا الحطـب تضـوي وتنيـر
دامهم ضوي وصارو لجسمـي ضـلال
وشلون على ضلـي ماتبينـي أغيـر
إن ما ذكرتك
ان ما ذكرتك بين ساعه و ساعه ** و إلا تراني مرخصك غير مغليـك
وان ما بكيتك حي وشفتك طماعه ** و إلا تراني بايعك غير شاريـك
يا للي زرعتك في عيوني زراعه ** و أسقيك دمعي لين تظمي و يرويـك
ويا للي عليك القلب زاد التياعه ** مقدر على قربك و لا أقدر أخليـك
و أعرف تراني مرخص بالبضاعه ** و أبيع ما أملك من عمري و لا أوفيـك
حيثك تحديت الزمن و أتسـاعه ** و حطيتني ما بين هاذي و هاذيـك
و يومن تمنيت اللقاء لو سـاعه ** و أيامنا و أحلامنا هي أمانيـك
يازين أمـر و أعطـيك طـاعــه ** و أمشي على الكايد لجلك أبأتيـك
و ان ما ذكرتك بين ساعه و ساعه ** و إلا تراني مرخصك غير مغليــك
شي في الخاطر
أبكتب شي في الخاطر مكتوم....أبعبـر عن ما في القلب من ضيقـه..!!
شي ما توقعته ولا عملت له حسبـان ..!!
لكن الخافق إذا ضاقت جراحه مايكفيه الثرى مد البصر ..!!
واهتزت المشاعر و الإحاسيس مثل هزة الزلزال ..!!!
شي ابكتمه في أعماقي ابنثره بالقلم و الحبر يترجم ثورة البركان ..!!
من ها البشر اللي ما بها أحاسيس و مشاعر في زمن خوان ..!!
وندرة ً من البشر لا سمع صادق المشاعر ما في جوفه هم و حرمان ..!!
ناسا ً رعيناهم بوسط العين من غدر الزمان ..!!
ناسا ً يا بشر لا تكلم تغرد له العصافير وتهتز الأغصان ..!!
ناسا ً من البشر لا تمايل ابـمشيـه تتبعه اسراب من الحمام ...!!
ناسا ً أهديتهم روحي بين أياديهم ورد و أشجــان...!
توقعتهم بالأحاسيس والمشاعر صادقا ً وقلبهم ينبض حب وحنان ..!!
أثاريها كذبه وصدقتها مثل الأعمى في وسط الظلام ...!!
أنا انسان بي أحاسيس وتراتيل نبض ومشاعر ..!!
حجم قرية أفلاطون ..!!
مشاعر رمسيس ..!!
أحاسيس شكسبير ..!!
قصة لها عنوان ..!!!
شي في الخاطر أنفجر مابي داخله من كذبة ً بلا ألوان ..!!
قربك و بعدك
قــــربــــك حــبــيــبــي . . . تــــــــرى وصــــــــل و أفـــــــــراح . . .
بـــعــــدك حـبــيــبــي . . . لــــــــي آلــــــــم كــــلــــه إجــــــــراح . . .
بـسـطــح الــعــذارى!! . . . شــفــت أنــــا ضــــي مـصـبــاح . . . !!!
يالله عــــســــانـــــا بــــعــــدهـــــم نــــــوقـــــــد أفــــــــــــــراح . . .
ســـــــاس الــســهـــارة (( أنـــتــــي )) لـــــــي كـــــــل الأرواح . . .
صــحــيـــح (( أنـــتــــي )) بــدنــيــتــي نــــــــور الأصــــبــــاح . . .
يـا كيـف ينسـاك قلبـي!! . . . (( آهـ)) . . . يـا كيـف يـرتـاح . . .!!!
دامــك ملكـتـي الـقـلـب . . . يـــا عـطــر ,,, مـســك ,,, فـــواح . . .
ينـسـاك قلـبـي كـيـف!! . . . (( آهـ)) . . . يــا كـيـف يـرتـاح . . .!!!
. . . تـــــعـــــال أرجـــــــــــوك وداوي كـــــــــــل الأجـــــــــــراح . . .
ردي و قولي
وايش فايدة لو صرخت اليوم او انتي تصرخين ** تصافينا بس للاسف ذاقت قلوبنا مر السنيـن
جيتك بقلب مليان لـك كلـه شـوق وحنيـن ** وعطيتك الوفاء والامان وانتي اللـي تخونيـن
عندي سـؤال وياليتـك انتـي بعـد تساليـن ** من اللي فينا ابتدى يوم انك تهجريـن
مابي عذر منك ولا ابيك انتـي بعـد تعذريـن ** قلبي وروحي لك يا النرجسيه وانـت تعرفيـن
قلب صادق وحب وافـي علـى مـر السنيـن ** لـو تبعـدي عنـي اليـوم والله تهجـريـن
ماخانـك قلـب يحبـك وانـتـي تسمعـيـن ** دقات قلبه تنـادي لـك وانتـي لهـا تناديـن
خلـي دمعاتـك بفرحـت لقـانـا ياحنـيـن ** عاهدت نفسـي لـك وانتـي بعـد تعاهديـن
ليـه اليـوم ... ؟؟ تبـي عـنـي تبعـديـن ** وانتي غلاك بداخلـي مـا يوصلـه العاذليـن
وأنتـي همسـي وحلـم الـصـدق الدفـيـن ** ردي وقـولـي يــا نـظــر هالـعـيـن