ليت ربي يجمع الشمـل ويلمّــــه
والقلوب تعيش بَافراح وسعــاده
وليت خلّي عايش بقربي واضمّه
في عيوني لي يشقّيهن بعـــــــاده
وليتني فرحة عمر تغتال همّــــــه
وابتسامة حب تستعمـر فــــــؤاده
وليتني نسمة ربيع تمـر يمّـــــــه
نسمةٍ تنعش أحاسيســــه ووداده
وليتني.. يا ليتني أجري في دمّه
وليتني علاجه ولجروحه ضماده
ليتني كل شي يعجِبـه ويهمّـــــــه
وليتني ما بينه وبيـن النكــــــاده
وليت يعرف سالفه وايد مهمّـــه
إني في كل يـوم أهـواه بزيــــاده
و اني ما ارضى له بكلمة مذمّـه
و ان حبّه غاية القلب ومــــراده
سيّدي هـذا كلامـي والمتمّــــــــه
احتكرت بدنيتـي دور السيـــــاده
ليت ربي يجمع الشمـل ويلمـــه
والقلوب تعيش بافراح وسعـاده