الحمدلله نظفنا الكيبورد من الغبره اخباركم يازكرت اشتقتولي ؟ اشتقتولي ولا مااشتقتولي <<<<<<<<<<<<<<< من متىالمعرفه ابو شباب خلوني افكر وش اكتب (بدء في فرك جبهته) ( ثم تجهت اليد نحو مقدمة راسه الاقرع وبدى يهرش) ( تحمس وشرب الشاهي واحرقه طرف لسانه) ايه بس لقيتها ) فرك, هرش, شاهي, لسان) في عام 1156 م الموافق 483هـ قامت قبيلة قويه بغزو قبيله ضعيفه ودمروهم وقطعوا اسلاك كرهبهم ( عارف في ملاقيف بيقولوا ذك الوقت ما فيه كهرب وتاريخ الهجري ما يطابق العربي وقولهم عن اللقافه واهم شي الاخلاق )واظلمت ديارهم ولم ينجوا منهم سوى شخص سيرد ذكره لاحقا بداية السالفه .. كان شفلوت شيخ قبيله وشديد ومشهور انه اقوى واحد في ذاك الوقت ( يعني طرزان ) ومتزوج من امرأه أقل مايقال عنها انها شديده واقوى وحده في ذاك الوقت ( يعني مرة طرزان ) وعندهم عيال وبنات أقل مايقال عنهم انهم شديدين واقوى >> البخ في حدا الضحويات ومجتمعين كلهم قام يسولف شفلوت والكل كان في انتباه شديد شفلوت كان حاط المركا على يساره ومقابله حمسان وعلى يمينه سرحان وعلى يمينه بعد محقان وعلى يساره مستوره وعلى يساره بعد مخشوشه وعلى يمينه محبوكه وامهم كانت مسيره على أم زعلان <<<<<<<<<< مسمينه على ابنها الكبير سبب تسمية العيال والبنات بهذي الاسامي زعلان : اول من ولد قال لاحد يطلعني اطلع من كبفي حمسان: اول ماانولد وهو يفرك رجوله مع بعض وماسك مسباحه في يده ويفركه << مشتهي سامري بصراه نشمي سرحان: من يوم انولد وهو فاغر وراقد وعلى طول مسرح حتى وقت الاجتماع كان مجنخر محقان: لحظة ماانولد وهو يجر الصوت وصوته كريه وحاد يطنب امحق من صوت مستوره: من يوم فقست وهي لابسه دراعة وكانت مثار استغراب جميع البشر ذاك الوقت مخشوشه : هذي بس احساس بالولاده لانهم حسوا انها طلعت بس مالقوها محبوكه : مايحتاج من اسمها واضح انها ماعليها اي كلام بدا شفلوت حديثه مع عياله بفنجال يمشي طبلونه نحو سرحان عشان يصحصح كعادته كل اجتماع وضحك محقان غصب ورمقه ابوه بنظره ملعونة جدف وقمط ورجع يضحك عليه نومان ويصكه ابوه بالفنجال هنا عاد زعلان قفلت معه وبرطم ويطالعه ابوه قاله ليش ضحكت على اخوك ؟ قال زعلان كمل سالفتك يبه نقزت مستوره وهي تضحك وتقول وهو بدا سالفته عشان يكملها هههههههههه وضحكوا كلهم على زعلان اللي قام زعلان ويجي بيسحب شماغه من عند المركا اللي متسند عليه ابوه ويقوم ابوه ويرص على شماغه قال مافيه شماغ وش عندك قام يطالعه زعلان بدون مايرمش وابوه يطالعه وبحركه سريعه نغز ابوه من عند بطنه على جنب قال ابوه اعقب ويوخر يده ويسحب حمسان شماغه ويطلع ويركب الناقه ويسوقها ... وهو سايقها قالت الناقه : وابوك هذي عادته ماغيرها دايم يزعلك يازعلان تبي الصراحه انت ساكت له واجد زعلان وشفيك ماترد زعلاااااان وتوقف الناقه تبي تشوف وش سالفته وينزل وهو يبكي المسكين وتحط براطمها على راسه وتقول :ترا الدنيا ماتسوى دمعه منك يابو الزعل كله وهو يبكي قال : دلعيني زين قالت :يادلبوووو أدلعك وأدلع مندوبك خخخخخخ ام زعلان في ذا الوقت كانت قد رجعت لخيمتهم وقالت للبنات يالله زينوا الغدا وتجي مخشوشه تعلمها باللي صار وتاخذها امها على شق قالت اتركي زعلان وابوه كل يوم وهم كذا .. خليني اعلمك اليوم معزومين على بارتي قالت مخشوشه:وش ذي بارتي امها :بارتي عشا او حفله ياااااااااقدمك يبنيتي المهم ابيتس تمكيجين خواتس وتضبطينهم ابيكم تطقعون لبنات القبيله .. راحت مخشوشه لخواتها وسحبتهم وجابت السشوار<< مشوها وتعطيهم فجل وجرجير ياكلونها قبل يروحون فاهمه تطقعون لبنات القبيله غلط والرجاجيل عندهم بعد جلسة ربابه يعني ذيك الليله فله ووناسه في القبيله كلها كان على الربابه مطرب القبيله (( شنان خليل شنان )) وكان مايعرف الا اغنيه وحده ومعزوفه وحده يقول فيها الليالي طالت والحبيب مابان...وانا احفر حفرتن طويل مداها ترا مالك داعي دنا غلبان... رعماني سالت وغطت اللي حفرتناها ان كانك رحت في خبر كان... كم علبا قبلك كويناها << ياوالله البيت اللي داج وشفلوت والربع كلهم يقولون وراه كويناها ويوم زانت الحفله قال جعدان جيبوا السحله اللي ورا الخيمه وينقز سرحان ويجيبها وييشربون كلهم من السحله ( امتنع عن تكملة ماحدث لاسباب جوهريه تفهم من السياق ) وفجأه اقتحم الخيمه ناصر الجوهر وقال من ناداني << مداخله خارجه عن الموضوع ومع زحف الشيبان والشباب وهرج البنات وطقاع مستوره واخواتها اذا بالقبيله القويه التي ورد ذكرها بداية حديثنا تقتحم القبيله وتقتل كل من ترى من الرجال وتسلبهم حلالهم وهنا قام حمسان ( النشمي )الذي لم يكرع في السحله مثل البقيه قتل الاول والثاني وحين وصل الثالث قتله ايضا ورأى ابوه شفلوت وهو يقتل وشبت شبوبه وقام يذبح اللي يشوفه منهم ويمر عليه اخوه سرحان سرحان :قال اذا خلصتوا قوموني انا في الخيمه راقد قال حمسان :اوكيه << اما اوكيه كثر منها وهو ملتفت على واحد الا سيف ابو يوسف <<<<<المعلق يقول (( هنا تأتي البسمه وهنا يشتد القتال :نقــطة صمت:( فاصل اعلاني _______ يجتاح اعصار ولاية امركية ويحصهم عن بكرت ابيهم والقلى بالالوف وخسائر بالملاين (الله يكفينا مجاهم ) ___ انقلاب عسكري في ديرتنا اسفر عن سلامة السائق و تحطم اللومينا _____ لاول مرره التسجيل في جامعة ام القرى عن طريق النت ونزل لي 15 ساعة ) . عوده كتابيه بعد الفاصل وحانت لحظة موت حمسان بخنجر من اخيه محقان بالغلط وقبل أن يموت حمسان سحب حمسان الخنجر من صدره ورماه على ظهر اخوه النائم نومان محقان :يقول تحسبني بخليك سوف اطلب الاسعاف قال محقان : لا لا هذا اللي كنت ابيه انا اصلاً زهقت من الحرب ومحد ذبحني وماتوا جميع من في القبيله من رجال ونساء وحلال ولم يبق منهم ولا واحد احداث لم تذكر: * كانت مخشوشه على علاقه مع المطرب شنان والسبب كان لقاء عند الغدير * ام حمسان كانت اشهر وحده تقبص الحريم وهم يسولفون * احداث المعركه كانت محتكره لقناة bdo * الشيخ شفلوت اول من قتل من المعركه قبل وصول القبيله وذلك بسبب الخوف الشديد هيييه تعالوا نسيت اقولكم زعلااااااان هو الوحيد الذي سلم من المجزره هو و ناقته الوحيده اللي سلمت ايضا (ماقصرت طال عمرك على هالمعلومه) يالله عاد قعدت اخربط عليكم وخلوني اروح ارقد تصبحون على خير هع هع :