ليا زادت هموم القلب جيـت البحـر ناجيتـه = شكيت الهم للبحر الكبيـر وزالـت أحزانـي
الا لله درك يابـحـر كــم ســر خبيـتـه = ولاعمـرك شكيـت الهـم ولا قلـت تعبانـي
وانا يابحر ابشكيلـك جـروح انسـان حبيتـه = بعد ماعطيك بعض أوصاف من حلت بوجداني
غزال الريم يشبها وهي مـن الزيـن معطيتـه = وصدره بارزٍ بالوصـف كنـه طلـع رمانـي
وخشمه مثل سلة سيف فـارس ذايـعٍ صيتـه = وعيونه حور وخـدوده ورودٍ وسـط بستانـي
وعوده مثل غصن البـان والردفيـن موذيتـه = ومبسـم فالوصـوف يشابـه خاتـم سليمانـي
وشعره ليل مظلم فـي سـواد الكحـل حليتـه = وخده مثل بـراقٍ يلـوح بعـرض الامزانـي
هذيك اللي خذت قلبي ومنهـا الحـب حسيتـه = تبادلنا شعـور الحـب يـوم الزيـن حيانـي
ورديـت التحيـه وأبتسـم خلـي وحاكيـتـه = وقمت أشرح شعوري وأنصدم مدعوج الاعياني
ونظر لي نظرة المغضب وقال اسكت ولبيتـه = ورد أرجوك لاتكمـل حبيبـي واحـدٍ ثانـي
وضيعت الدروب وجيت يـم البحـر ناجيتـه = عسى البحر الكبير يزيـل هـمٍ زود احزانـي