صابني غروٍ صغير الموت في نظرة عيونـه = رمش عينه يوم يغضي به يغطي نص خـده
تل قلبي لين علقني وصرت اعشـق جنونـه = صرت احب اللي يجيني منه في مزحه وجده
وشعره اللي لانتثر من هامته غطـى متونـه = كاسيٍ جسمه وتحت الردف ياقف عند حـده
وعوده اللي من طراته زاد عن حد الليونـه = يشتكي من ثقل ردف الترف فالممشى يهـده
والعيون الحور والمبسم وخـده كـن لونـه = لون تفاحٍ من ارض الشـام ميـراده وشـده
زاد حبه لين حل القلب واضحى في ركونـه = وستراح القلب من حبه وغنـى لـه مـوده
وبعد زاد الحب وادعني وقفت بـه ضعونـه = قال يالغالي ترى الايـام فـي روحـه ورده
قلت حبك وسط قلبي ليـن راسـي يدفنونـه = لك حبيبن لو يموت النـاس ماتـدري بسـده
وساعة الممشى بكى والدمع هلت به عيونـه = ثم سأل الكحل من عينه وخالط لـون خـده