الموقف اللي ثار مثل البراكين=ذاب الحجر من شدته ثم سالي
موقف علينا من حساب التغابين=وشلون ياحليل لابن الشكالي
مابه خفى بكتب على صفحة البين=ساع اتضحلي سر سود الليالي
الحر ينزل في منازل شياهين=وكره على سفح الجبل فوق عالي
واليا بغى رزقه كفخ بالجناحين=ويهفى على حد الثراء والسهالي
ارزاقهم بالارض لو هم عليين=حكمة ولي العرش رب الجلالي
اقول وانا موقفي موقف زين=موقف شجيع(ن) مايهاب القتالي
قالو ورع قلت افتخر يارديين=ورع خلق من قاسيات الجبالي
دون الصحيب انا كما سور برلين=وافي مع الوافي بحالي ومالي
ويمين لو للمراجل عناوين=لاتشوفني عنوان بين الرجالي
وحنا هل الجزله وحنا جزالبن=نعيش للجزله ونرحل جزالي