اسج مع ذكراك يازين واتوه=ولاتذكر واقعي من خيالي
لاجيت ابى ادله عنك يازين نادوه=طفل(ن) على اسمك قلت واعزتالي
ناديت باعلى الصوت تكفون هاتوه=واليا نظرته قلت مانته ابالي
اللي على بالي من البيض عانوه=وانا على بالي اشوفك اقبالي
خفيت حبك لين والناس شافوه=مثل مخفي الشيب ويبين تالي
يابو جديل(ن) لانثعى يوم قضوه=مثل الضلام اللي يغطي الجبالي
ومبيسم(ن) كن العسل فيه حلوه=والخد يلمع مثل برق الخيالي
ماينعذل قلبي ولو كان حدوه=ياعاذلي لاتكثرون الجدالي
احبها والحب مافيه مشروه=ولانيب في طرد العذارى لحالي
الحب قبلي بعض الاشخاص قاسوه=مجنون ليلى وابو زيد الهلالي
عينت ابي سلمى للالحاد ودوه=بعد شعف عقله جنون وهبالي
وعنتر وعبله حبهم لاتناسوه=جاء بينهم قصة غرام(ن) تقالي
ومجنون ساره معهم اليوم حطوه=واللي جرى للناس قبلي جرالي
اوصيك يااللي غصنك البيض هزوه=لا لاتطالع في حسين الدلالي