اول شيء تسلم اخويا عزوز على الموضوع الرهيب مررررررة
اخويا عزوز انا ابغا اقلك على شيء انا ملاحظ اليومين دي انو في مصطلح بين الشباب اسمو كوول
ومتا تكوون كوول ازا قلدت الغرب
والشباب يدورو على الناس الكووول الللي زيهم عشان يصاحبوهم
يعني الزبدة زي ما يقولو الناس اللي يقلدو في نظر الشباب انهم هما اللي الواحد يدورهم
طيييييييب اش الحل
الحل انو نفهم دولا الشباب انو مو كدا الواحد يدورلو على صاحب
الحل انو يدوور على الصاحب اللي من جد نقدر نسميه صاحب مو اي واحد يسوي حركااات كوول خلاص صار كوول
طيب اش الاسباب
الاسباب اوووول شيء (االافلام والاغاني)
تاني شيء (الصحبة)
الاسباب دي كلها معرووفة ومكررة وغبرت من كتر انو الواحد يقوولها
بس شوووف اخويا
واحد من اصحابي الطيبين سابقا كان مررررررة طيب وقلبو طيييييييب وعلى نياتو كان الولد
اختلط بشلة ما ادري اش اقلك (اقل شيء انههم استغفر الله العظيم الصلاة ليك كلام كتييير عليهم)
المهم صار يقلدهم مرررررررة لدرجة اش اقلك
لا والللي مرة اتاثربو صاحبي دا مسلسل friends اكيييد تعرفو مشهووور مرة
ما ادري والله اش الحل
انا نفسي ابغا اعرف
تسلم مرة تانية وخلينا نشوفكم