الهوى والحب وسط القلب بين له علامه = من غلا اللي في هواها غيرت كامل كياني
بالعيون السود والمبسم وفوق الخد شامه = والشعر والصدر والردفين والعود اللياني
خفة الدم والادب والحسن ومعها احلى ابتسامه = كل هاذي زينت غض النهد صافي الثماني
شفتها واحترت ثم سميت قلت يالله السلامه = أرحم اللي بك تولع يوم شافك ياحناني
قالت اركد ياولد قالوا مع العجله ندامه = لازم أعرف من تكون وش تمنى من أماني
قلت انا رجل بدوي رمز المعزه والشهامه = وأتمنى انه يكون بوسط قلبك لي مكاني
كل جرح يهون عندي غير جرحك للكرامه = لا وصل جرح الكرامه صابني مثل الجناني
مأسامح لو يموت القلب من زايد هيامه = بنصحه يسلى وربي لاقطعه لامن عصاني
هذا انا هاذي طباعي ياضبيٍ بالعدامه = لاعشقت أعشق بصدق ولا كرهت أنسان ثاني
قالت اللي مثلكم يفرض على الناس إحترامه = لك علي اخلص معك بالحب لو طال الزماني
وإتفقنا ان الهوى والحب بين له علامه = في قلوب إثنين صارت كلها داخل كياني