[صَعْـ(تِفْهَمْنِيٍ)ــب]

ليت لي ذودٍ يدِكّ البيـد و أحـدا لـه لحالـه
كان و الله ما علي خلاف في نجـد العذيـه

جفت أقلام الغرام و طـول المحبـوب بالـه
والله اني ما هقيت ان الغضي يقسـى عليـه
وش خطاي ألا المحبه وش رجاي الا وصاله

وش يبي غير الموده و الغـلا و المقدريـه
دللوه اللي ربوه صغير و أسرف بي دلالـه

ليت لي قلب يطيق الصبر و عيـون خليـه
و الغضي لولاعه التحنـان و بقلبـه عدالـه

ما غدت من دونه القيعـان جـرد جرهديـه
و ان تشره قايد الغزلان مالـه بـي جمالـه

لعنبو من خان خلانه و جنـب عـن خويـه
عن جنوبه و الوله و الشوق يغنينـي شمالـه

صد يا قلب الجفا لا صـد وضـاح الثنيـه
ما أنت يالخفاق عبد له ولا أنت أصغر عياله

أنت خفاق الضلوع العوج والخيـرة خفيـه