السلام عليكم ورحمة الله وبركاته
هذي القصيده معبره عن نفسها وأرجو أنها تعجبكم ,,,,
ياهاجره دمي نشف والصد يطعن بالحراب
والحال من همي ذبل والفكر تايه بالظنون
ترى المشاعر صبرها وقف وجاوبني جواب
واضح يحدد موقفي اما أكون أو لا أكون
كان الغلا مقياس ناظر في عيوني لاتهاب
تعرف مقامك وسطها وتشوف نظره ماتخون
هجر وكبر ماغطرسة صوبت قلبي بالصواب
والقلب حبك ولا قدر يقسى وللغالي يصون
قانون نصه ما أنكتب وأطرد سرابٍ في سراب
تبعدني بهجرك وتقربني بنظرتها العيون
ياحرف شعري حرر اللي في شجون الاكتئاب
عبر بما في خاطري مما جرالي لاتهون
ياحرف خبرها غلاها اشربه وسط الشراب
خالطه في دمي متلونٍ وسطه بلون
وياحرف خبرها ترى لولا غلاها صك باب
في وجه حب غيري كان قاسيته الطعون
وياحرف خبرها ترى صبري بقصتها عذاب
متحملٍ كل اللي جاء وبيجي لأنها تمون
وياحرف خبرها ترى حجزي ذهاب بلا أياب
أن كانها ماحددت مسار حبي بالشجون
وياحرف خبرها وأذا في قلبها طعنه بناب
عن حب غيري قلها نفسي ترى ماهي بدون
وياحرف خبرها وأذا في قلبها بعض العتاب
ترى العتب ملح الغلا للعالم اللي يفهمون
وياحرف خبرها ترى بي شيمه عاليه بالجناب
نفسي عزيزه ماأنزلها في درب دووووووون
وياحرف خبرها واذا المرتد لازم يستتاب
المستحيل أرجع أذا قفيت نفسي ماتهون
وســـــــــــــلامتكم ,,,,,,,,
وأرجو أنها أعجبتكم ,,
أخوكم الجذ111ب