غابت ثمان سنين حلـن وترحـال = غابـت ثمـان كلـهـا مدلهـمـه
قضيتها بالحـب والشـوق رحـال = بشوقـن تحـدى ياسـن وهـمـه
سألت عنها سنين وشهور وليـال = ولا فيـه فـج إلا وجهـت يـمـه
وعقب الثمان اللي تعبها برى الحال = جاب الزمـان الكارثـه والمطمـه
جاني ولدها يبتسم بيـن الاطفـال = من بسمته ذكرت انا بسمـة امـه
وركضت له ودمعي على الخد همال = من كثر شوقي قمت بالحيل اضمـه
ولحظة حضنته والطفل في يدي مال = شميت ريحتها على اطـراف كمـه
واستهلت نفسي مقاديـم الاهـوال = وتم الضيـاع واكـدت لـي متمـه
ليت الغياب اللي شغل غربتي طـال = ولا دور العاشق على حـرق دمـه
واليوم بنت الناس في بيت رجـال = وحبن على غير الشرف لي مذمـه
مجبور أعود واشكي كـل الاهـوال = بنفـس حزينـه كايبـه مستهمـه
يرجع غريبن سكتـه بـر ورمـال = يموت . يحيـا . يندفـن مايهمـه