تعزيه :لوفاة خادم الحرمين.أعزي فيها المسلمين
 

أعـــــــــــــــزي الإســـــــــــــلام

--------------------------------------------------------------------------------

جاني خبر هيج على القلب الأحزان .....وضيق على صدري رحيب المحانــي

ماكنه الا كف يهز الأوجــــــــــــان ..... وماكنـــه الا يـــوم قــالـــــه رمــانـي

أكرر الكلمه ويا ضعف الإنــــسان ..... عيـيـت أصـدق لين دمعــي غشــانــي

فهد عسى مثواك فردوس وجنان ...... وعســـاك في قبـــرك سعــيد وهــاني

اللـه يفتحلك من القــــــبر بيــــبان ..... بـيــبـان رحمــــه تكتسيــــك الجنــانـي

والله لولا الله وحزام الإيمــــــــان ..... وإن العـمــر لو طــال لا بــد فــانــــي

لا بكيه لين أذرف مع الدمع دمان ...... وأقول راح اللـي بحبـــه حــــــــــواني

محبتـــــه ترجح على كل الأوزان ...... يشهد لها بالحق قـــاصي ودانــــــــــي

يشهد له التاريخ في كل ميـــــدان ..... يشهر ولا لـــه في خصومـــــه هواني

أغزي الإســلام في كل الأوطان ...... وأعــزي اللــي لــه بقلبــه مكــــــاني

وأخص عبد الله ذرى عز الأيمان ..... فيه العوض لا جــار فينا الزمــــــــاني

ولاهان سلطان السلاطين لاهان....... اللــه يمــــده بالفــرج والعـــــــوانـــي

وعبدالعزيزابن الفهدعزالإخوان...... والله يــــعـين اللــي لـفــقـده يـعـــانــــي

ويالله أنا طالبك يارب الإحسان ....... ترحــــم مليــك حـــط فـيـنـا الأمــــــــاني

وصلو على اللي بين الدين تبيان... عداد ماتدرج ســـــــــهوم الثوانـــــــــي


الشاعر: عبد الله الحمياني >>> الفــــــــــداوي


ملاحظه : لجميع من يقرأ القصيده ويستطيع نشرها في مجله أو جريده إخباري