لي حبيبة كنّها بحر غدا وسط المحيط =ويل قلبي من هواها ماقوى جزرة ومــدّه
قلت أبابحر في عيونه وقمت ادوّر لي وسيط= وادري موجه لو تغلّى منهو ذاك اللّي يحدّه
قال اسمع يالمخاوي ولا تزوّد بالنطيط = إي مخاوي ولا تنطط من اعالي الموج ردّه
قلت احاول قالت اركد ولا تسوي لي نشيط= كان قبلك يالمتيم ما عرف للحين قصـده
قممت اباهي في قصيدي قالت اترك هالخريط= ان هما مازن لقينا طيف بارق والا رعده
قلت ودّي يا مناتي اسألك شئ بسيط= هذا قلبي في غرامك ما طرى للحين قصده
ان بغيت الشوف القى فوق محرابك شريط = وان بغيت ارحل وافارق ماقويت الحين بعده
قالت اسمع لا يكثّر ما يخوّفني الشخيط= والا تغريني قصيده والا تاخذني بورده
قلت حدّك ما ني جاهل والا يا روحي عبيط = بس بغيت الحين اقلك والله انّك (مستبدّه)