ياناعس الطرف يامن نظرتك تسحر = ياملح ياملح وانت السكر الحالي
معذور لو تفتخر يازاهي المنظر = محد يلومك لو انك صرت تختالي
لو تلمس الغيم لو تظلم وتتكبر = يحق لك لو سكنت ببرجك العالي
لو القمر نافسك ترى القمر يخسر = والشمس ماتوصَلَكْ بالحسن يالغالي
خدودك الناصعة أوشعرك الأشقر = وعيونك اللي أبد ماتْغيب عن بالي
ورموشك اللي تشابه صفة العسكر = فيها حياتي ويمكن فيها قصة هبالي
وسنونك الثلج يشبهها ولو قصّر = معذور لو ذاب ذاب الثلج من صالي
وفويهك أقول للرمان به مصدر = والصدر ينفض مثل تيار بالعالي
هذي ملامح ومايخفى هو الأخطر = الله ياهي ملامح مالها تالي
والله لوني بأصلك ماني الأخبر = لقول من حمص أوأصلك هو ايطالي
لوتلبس أبيض أو الأسود أوالأخضر = يزهاك لبسك لو انه تالف بالي
الناس قالوا جمال الآدمي يظهر = نايم وصاحي سعيد أو حزنه جبالي
والشين يظهر أجل وش ينفع الأقشر = لو هو تميلح ولو هو يلبس الغالي
لو يلطخ الميك أب أصفر على الأحمر= الله يزيله عسى ماله بعد والي
لاشفت زوله خطر في بالك البنشر = مقبل ومدبر تساوى طيب الفالي
يجيك يقمز من خباله تقل كنغر = يطق علكه فصاخة والكعب عالي
يامرهف الحس يفداك العمر واكثر= ماغيرك اللي قدر يسمع لموالي
مهما عطيتك هواك بداخلي أكبر = يزول وقتي وحبك مابعد زالي
ملعون دمعٍ لمنور بسمتك كدر = ويل الحزن كيف يغشى قلبك الخالي
ياشين عرعر لوانك منت من عرعر = ويازين عرعر ليامن قلت انا إشمالي

يـــــــــاهلا وغــــــــــــلا


¤¦¦§¦¦¤~ حمدان العنزي ~¤¦¦§¦¦¤


صح لسااااانك ولاهنت



قصيده تناااثر بها احساااسك واحكمتها مشاااعرك



دمت رااائع العطااء والتألق



تقبل خاالص التحيه واعذبها



اخوووك


عذب الوصايف