جيت أعترف لك بالخطا يوم إنّي اخلفت المسآر = وأسـتسـمحك تدمـح لي الزلاّت لو ماهـي كثير
كان الهـدف مـن زلّتي : إنك تغار أو ماتغآر = أبكتشـف لو كنت انا مع غـيرك اتكلّم .. تغـير؟
لكنّي اخطيت الهـدف في رميتي أو بإخـتصآر = حـظّي تردّى بـي وحظّي من خـِلق مافـيه خـير
حظّي وله قـصّه معي كـ اللّيل وعـيون النّهآر = مـتخالفه من حـكـمة اللّي خـالق الكون الكبـير
إن شافـني حظّي يمين أقـفى عـن عيوني يسآر = مدري أنا اللّي منعـمي .. أو حـظّي العاثر ضرير
هـذآ وجيتك معـترف وأرجوك عـجـّل بالقرآر = أنـت الوحـيد اللّي على كل المعالـيق الأمـير
لو تامر بقطع الوريد اللّي نبض بك قلت: صآر = تنقصني الجرأه معـك ما أقـدر أنطـق مايصير
لو تحصد ظلوعي حطب بشعلها والصّدر الوجآر = لو تقـتل احـلامي معـك بدفنها والقـبر السّرير
والله لو أسقيتني مـن يدك تعـذيـب ومرآر = بستـطعمه سـكّر وأقول :أسقيتني شـهد العبير
عـذّب وكل من يسألك قلّه : قضى وردإعـتبآر = وإن عاندوك برايهم قل : تسليه كـيفي . صغـير
إلـك الغلاا يقتادني والدّرب لـك سـكّة قـطآر = من وجهك ابدى رحلتي ولوجهك المرسـى الأخـير
أتنـفـّسك مثل القصـيد اللي تنـفّس به نـزآر = وأشتاق لك شـوق الوطـن لمشاهدة آخـر أسـير
وأحتاج لك مثل الذّليل اللي فقد ثوب الوقآر = مثل الضيّاع وحآجـته فالوقـت تحـديد المصـير
خل الزّعـل وإرجع ترى ملّيت وقت الإنـتظآر = إرجـع على اللّي من سبايب زلّته وضـعه خـطير
وجـه الخطا يندى جبينه من كـفوف الإعـتذآر =ويذووب ثلثـينه خـجل من كـفـ تأنيب الضـميـر