قالوا جمال البنت يالعبدلي وين=في زولها ولا بطول رقبتها
ولا حواجبها برسمة هلالين=من فوق حور(ن) حدرها زينتها
ولا بنظرة تنبعث من هكالعين=نظرة كما سهم(ن) علينا رمتها
ولا شعر منثور من فوق كتفين=لونه كما ليلة طغت بعتمتها
ياناشدين الزين اعلّمكم الزين=الزين في بنت .... القيم شرفتها
بنت الاصل والطيب تمشي على الدين=بنت(ن) تقاليد العرب ما نستها
بنت الشرف يا ناس تسوى ملايين=يوم الطهاره عرشها واعتلتها
واجدادها اللي بالمراجل سلاطين=ناسن لهم سمعة وفوق ارفعتها
اللي املكوا سمعة تفوح برياحين=يوم(ن) دروب الطيب سلعة شرتها
وياللي تبى البرهان عندي براهين=وانشد رجال الطيب واخذ ثمرتها