منتديات الـــود - صواريخ الشبااااب للبناااااات!!!!!!!

:d 1- حبيبتي تدرين والله انا ماعندي حركات الشبااب .. ماكلم بنات.. اصلا ماحب هالحركات
(( باااااااااين وانت كل بنات العالم يعرفونك )) :mad:

2- مادري حبيبتي احس اني اعرفك من زمااان
(( لا يمكن مغلط بينها وبين وحده كنت تعرفها اول .. يمكن في شبه )) :

3- حبيبتي احس انك غير عن كل البنات احس انك مختلفه وغير عنهم
((ليش فوق راسها ريشه و لا من كوكب ثاني )) :mad:

4- حبيبتي والله احس في اشياء كثيرة انا وانتي نتشابه فيهااا .. كأننا شخص واحد
(( سبحان الله اخوها فالاسلام لازم يكون في شبه ها ها هاااي )) :

5- ياريتني ياقلبي عرفتك من زمان
(( معليش كان عندك زحمه )) :mad:

6- حبيبتي انتي تامرين قلبي امر .. كل اللي تقولينه البيه
(( ايه فالاحلاام اكيد )) :

7- حيااتي ابيك تتغطين عشان ما احد يشوفك غيري لاني اغاار
((لا يا حرااااام الغيرة حرقت قلبك حرق )) :mad:

8- ابيي اخطبك من اهلك بس بعد ما اكون نفسي
(( اجل من تكوون هع هع بس صح تكسر الخاطر فلوسك كلها على الموبايل والسيارة وعزايم الربع و و و الخ )) :

9- يا قلبي ابغي اشوفك باقرب وقت ماقدر على الشوق اللي ذبحني
((يبغي اصحابه يتأكدون انها حلوة )) :mad:

10- انا احب الشعر ومن هواياتي الرسم والسباحه
(( لا رومنسي الحبيب )) :

11- حبيبتي حطي في بالك ترى انا اذا حبيت حبيت من كل قلبي
(( اقول بس اي قلب فيهم ؟!!!! )) :mad:

12- علاقتي فيك محد يدري فيها ابد لانها تعتبر من اهم خصوصياتي
(( بس عادي كل ربعه يدرون .. لانهم مو اي احد )) :

13- حبيبتي ودي اروح فندق كراون بلازا ودي العب تنس هناك
(( كثير عليك كيرم )) :mad:

14- شكلي حبيبتي راح اطق لي جاكوار من الوكاله
((اذا مو هوندا موديل 76 من الحراج )) :

15- احتمال اروح سويسرا الصيف الجاي
(( ايــــــــــه هيــــــن)) :mad:

16- دايم اشتري عطوري من تناغرا
(( الحمدلله والشكر )) :

17- لما اشوف رقمك في موبايلي قلبي يفز من مكانه
(( اكييد .. خايف تكون كشفت ملاعيبك )) :mad:

18- فلان قال لي اعطيه رقمك .. بس انا قلت له اقتلني قبل ماتاخذ رقمها مني
(( هاهاااي يا مضحي انت يا شجااع .. هذا اذا مو كل الشباب يعرفون رقمها المسكينه )) :

19- حبيبتي ابي صورتك اخليها عندي عشان قبل ما انام اشوفها واحطها تحت راسي وانام
(( لا وانت الصادق عشان يوم تمل منها تهددها )) :mad:

20- اسف حبيبتي امس ما اتصلت عليج بس كنت مشغووووول مررره مع الدراسه
(( باين يا نيوووتن انتااااا )) :

21- تدرين حبيبتي انا دايما البنات في السنتر يطلبون رقمي ... بس انا ماعطيهم وجه دام انتي حبي
(( هاهاااي .. الترتيب الصحيح للجمله .. دايماا انا الحق البنات بس مايعطوني وجه )) :mad:

22- والله حبيبتي كان ودي اجي عالموعد اليوم بس صارت ظروف صعبة جدااا وماقدر اجيك
(( ايه صح تذكر موعده مع ربيعته الثانيه اللي واعدها 10 مرات وخلف وعده )) :

23- امس مانمت .. طول الوقت افكر فيك .. اخذتي عقلي حبيبتي
(( الا قصدك نمت وحلمت وشبعت نووم ولا تدري عنهاااا اصلاا )) :mad:

24- انتي احلى بنت شفتها بحياتي ماظن القى احلى منك
(( ليش متعرف على ملكة جمال الكون واحنا ماندري؟؟)) :

25- الظاهر بشتري كمبيوتر جديد .. كمبيوتري صار له شهرين معاي وكمبيوتر اخوي مايعجبني والكمبيوتر الثاني ماتأقلمت معااه
(( مشااءالله وكالة كمبيوتراات ....اراهن بعمري على انه كمبيوترك قديييييييم من العصر الجاهلي وماعندك غيره كل ماخرب صلحته )) :mad:

26- ما افتح الماسنجر الا اذا انتي موجوده ... اصلا النت بدونك مايسوى
(( يقصد .. ما افتح عنج البلوك الا بعد ربع ساعه من تدخلين ... وترى النت بدون البنات مايسوى هع هع )) :

م
ن
ق
و
ل