|
خلونا نتكلم بصراحه ! ادخلوا ضروري
اخواني واخواتي اعضاء منتدى الهواة...
حبيت اني اكتب شغله لاحظتها من يوم جلست اقرا المشاركات ... يعني اكون صريح اكثر ... عمري ماقريت نقد لقصيده او رأي صادق فيها ! كل الردود مدح ومجامله .. مافيه ولا انتقاد ! وبكون صريح اكثر يعني فيه مشاركات ماتسمى قصايد ولا لها وزن ولا قافيه ومع ذلك الاقي في الردود مدح وانها ابداع ومشاركه رائعه ! والكلام لي انا بعد حتى معكم .. يعني انا يوم اكتب مشاركتي كنت اتمنى الاقي انتقاد لها او انه يكون فيه احد لاحظ بيت مكسور فيها .. او احد يوجهني لشي مانتبهت له . والمنتدى اسمه منتدى الهواة يعني كلها مجرد محاولات .. فما فيها شي لو انتقدنا بعض بدون تجريح ووجهنا بعض ... ليه مانقول رأينا بصراحه ؟ ليه اخذين المسأله امدحني وامدحك؟ وطبعا الكلام هذا موجه لي انا قبلكم ... اتمنى منكم حبايبي اننا نكون صريحين في آرائنا واكيد الشي هذا بيساهم بتطور المنتدى اولا وتطور كتاباتنا بعد . يعني لازم نغير سياستنا هنا ! اتمنى من المشرف انه يثبت الموضوع عشان الكل يقراه والكل بعد يكتب رايه في الشي اللي انا كاتبه. بنتظر ردكم على هالموضوع واتمنى انكم تردون علي بكل صراااااااحه ! ولكم تحياتي.... |
|
اخوي عذب الوصايف....
يعني انت رايك اننا نمدح ونقول تمام وياسلام عليك ونخليه على خطأه ؟ وش استفدنا ؟ النقد عمره ماكان يزعل واتوقع انه الكل هنا ماكتب الا يبي رأي الاخرين في كتاباته ! والمنتدى اسمه منتدى الهواة يعني الكل يدري انه يكتب كهاوي مو كمحترف وشاعر كبييير .. ويدور النقد ! يبي احد يوجهه ... يقوله وين خطأه وكيف يصححه ... وما انسى اني اشكرك على ردك على موضوعي مشكور اخوي عذب الوصايف |
|
عموما اخوي عذب الوصايف احترم رأيك ... واتمنى من كل قلبي انه اي واحد من الاعضاء يلاحظ شي في كتاباتي انه يقوله لي وينتقدني فيه ..
لكن انا بعد ودي اعرف راي باقي الاعضاء في الموضوع ورايهم يهمني حييييييييييييل ! واكرر شكري لك عذب الوصايف |
لك ماطلبت سيبقى الموضوع يومين
لترى الردود |
براحتك بترفعه ارفعه ... مع اني ماشوف فيه شي غلط او يزعل احد ... واذا كان انت رايك كذا ماعتقد ان الكل لهم نفس الراي ؟
وعموما اخوي عذب الوصايف اتمنى منك انك لما تشوف شي في كتاباتي انك تنقده حتى في المشاركتين اللي قبل رديت عليهم انت ! ومشكور مره ثانيه |
اخوي
انا آسف لاني جيت متاخر بس حبيت ارد عليك وهو ان في داخل كل منا شاعر بعضنا يكتم صوت هذا الشاعر ولايسمح له بالخروج للعالم المحيط به والبعض يعطي الفرصة لهذا الشاعر ومثلما قلت هذا المنتدى مخصص للهواة صعب نقعد نحطم فيهم وننتقدهم اشد النقد لازم يكون فيه دعم معنوي وتحفيز لكن لانميل للمجاملة المضرة بالشاعر وبمن يقرأ له عموماً أحب أأكد لك اننا نقوم بالرد على من نراه يستحق الرد ونمدح دوماً من يستحق المدح واذا كنت ترى غير ذلك وترى انك لست بشاعر ونحن فقط نجاملك فلك الخيار بالكتابة في غير منتديات الشعر والمجال مفتوح للجميع هنا وتقبل خااااااااااااااااااااااااالص تــــــــــــــحـــــــــــيـــــــــــــــاتـــــ ــــــــــــي |
اخوووي ....
كلامكـ صحيح بس من يقبل النقد ومن يقبل ينتقد .... انا ما راح انتقد اي واحد ... لاني ما ادري من اللي يتقبل انتقادي ومن اللي ما يتقبله .... على العموم انا مبتدي بالشعر يعني ما يحق لي انتقد احد .... بس المجامله نفس النقد ... النقد نوعين ... نقد بناء ونقد هدام .... وانا اشوف المجامله مثل النقد ... مجامله بناءه ... ومجامله هدامه .... انا ما راح احطم اللي قدامي على قول اخوي جروح روح .... لكن انا اقوم لا اهدم .... وعلى العموم ما راح تلاقي نتايج لطلبكـ لان ما احد راح ينتقد ... وخليك وحاول تطور نفسكـ بنفسكـ ... يعطيكـ العافيه على اهتمامكـ بالشعر ... وغيرتكـ عليه .... تقبل تحيااتي ... اخوكـ / نديم الشــعر .. |
حبايبي اللي رديتوا علي ... اولا انا ماقلت عن نفسي شاعر ولا عمري قلتها ! هي كلها مجرد محاولات واحاسيس ومشاعر حسيت فيها وكتبتها !
الشغله الثانيه كل واحد له وجهة نظره اللي احترمها حيييييل لكن من ناحيتي انا اتمنى من كل واحد منكم لما يدخل على كتاباتي انه اذا شاف شي او لاحظ شي غلط انه ينبهني وينتقدني فيه والنقد غير التجريح والتحطيم والا انتم وش رايكم ؟؟؟؟ ولكم تحياتي... |
| الساعة الآن 10:02 PM. |