|
(وش فيها ؟ ) 00 مدخل لكل شر 00 وبأرادتك
( وش فيها ؟ ) مدخل لكل شر فهي تمزج بين معصيتين الكبيرة تهون الأصغر منها وهذه امثلة :
يابنتي جاي رجال مستقيم يخطبك أنا لن أتزوج وش فيها عمتي ما تزوجت وماضرها شيء ماخذة راحتها لا ازعاج زوج ولاتحكماته يا بنتي من اللي تكلمين هذا حبيبي فلان وش فيها اذا كلمته انا احبه وهو يحبني ومهدي لي مسج في قناة000و يفكر انه يخطبني يا ولدي رح للجامعة ادرس أنا لن ادرس وش فيها اغلب المتخرجين ما لقوا وظايف والأعمال اللي يشتغلونها ما تتطلب جامعة يا بنتي نقابك مبين عيونك المزينه وش فيها انا ما طلعت الا عيوني كني قطة ما تشوف الاسترتشات والعبايات يا أم الشباب مسافرة انت وبناتك للخارج نعم وش فيها إذا رحنا سياحة وتمشية في ارض الله كل العالم يتسوح ما احنا بشر يا أم الشباب اهم شيء التحشم والحجاب في الخارج خاصة معك بنات شابات وش فيها اذا خذت البنات راحتهن في اللبس والتزين عساك تبي تعقد البنات حتى في السفر 0 أمثلة كثيرة لاحصر لها نتجرع بها المصائب مغلفة ب وش فيها ؟ فلا تدعها تنزلق بك في حبائلها |
الاخ الهدار
ذكرت لنا نتائج الحريه واخرة من يعطيها لاهله .. فلايوجد ابن بار بوالديه .. وعاقل .. يتجرأ ليعارض والداه بكلمه (( وش فيها )) ..؟؟ الا من بعد حريه اعطاه اياه الوالدين .. ليتجرأ لسانه ويتجاوز حدوده .. ولايوجد زوجه تتجرأ لتخاطب زوجها بهذا الاسلوب الا بعد ماان اعطاها كامل حريتها بالذهاب والرجوع والتحرك .. لايأتي الي احد ويقول لي اتريدين ان يقيدها .. نعم انا فتاه ولو تركني اهلي افعل ماريد سأتجاوز حدودي اقولها بكل جرأه نحن بزمن تكثر به المغريات .. ويكثر به اصدقاء السوء .. فمابالك كل شئ تحت يدي ولايوجد هناك من يبالي .. او يوقفني عند حدودي .. اكيد سأغرق بملذات الدنيا .. والله لايقول هالشئ يصير .. احمد ربي على حرص اهلي في هذه الناحيه .. بالاخير اريد القول بأن الشئ اذا زاد عن حده انقلب ضده هذه هي الحريه .. لو اعطيت ولدك او ابنتك او زوجتك كامل الحريه بالتصرف وفعل مايحلو لهم .. سينقلب الامر ضدك ويسقطون بقاع لتسقط معهم .. وووقتها لن ينفع الندم .. وستبقى مجرد نقطه مرور لهم .. كل الشكر لك على طرح موضوعك الحساس واعتذر على الاطاله احترامي ~ شموخ الورد ~ |
لاحول ولاقوة الا بالله .
اتمنى من الله ان لاتصل الأمور اللي ماذكرت ! يعطيك العافيـة. |
(( وش فيها )) ...
قد تــكون كلمة عاديه عند اغلب الناااس .. لــكن لو تلاحظ ان وش فيها ؟ << دقق في علامة الاستفهام فهي سؤال .. اخوي الهدار لماذا يسأل السؤال ..؟؟؟ يسأل عن شي غامض تود ان تعرف اجابته فلو ان هذا الاب لم يجعل طريقا لهذا السؤال لما سؤول ... فليراجع حساباته .. فهناكـ مثل يقول (( لما شاب ودوه الكتاب )) يعني ما فهمته اجابة السؤال هذا من بدري جااي تفهمه على اخر عمره .. تقبل تحياتي .... |
شكرا اخوتي
( شموخ الورد --- نديم الشعر --- فهودي ) على مروركم الكريم وتفاعلكم اختي شموخ / اسرع رد رأيته ومع ذلك عرضتي فيه رؤية اجتماعية ثاقبة وقوية وأن قول وش فيها ؟ فيها شيء من قلة الأحترام ، عموما أود أن أوضح أن الموضوع طرحته بشكل مبالغ فيه وفيه سخرية ( كاركتر ) حتى استطيع أن اجعل المشكلة أكثر وضوحا ، فسؤال وش فيها اسلوب دارج في بيوتنا إذا أردنا كسر القيم التي يقوم عليها بناء المجتمع شكرا لك اخي نديم الشعر دائما تفسيراتك ليست تقليدية ، ومعك ميكرو سكوب تضعه على الكتابة فترى ما لايراه غيرك من أفكار وتوجيهات بناءة تحياتي وتقديري لشخصك الكريم |
أخي الهدار .. :love: مواضيعك صراحة حلوة .. و خفيفة في كلماتها .. لكن فكرتها قوية .. ( وش فيها ؟ ) كلمة .. كلما سمعتها في بعض المواقف .. يتبادر لذهني أنها تصغير لشر وما دام هناك طريق لبداية الشر بانه شيء عادي .. فلا عجب من الدفاع بكلمة ( وش فيها ؟ ).. الله يعطيك العافية و ننتظر جديك المفيد :wink: و تقبل صادق ودي |
شكرا وتقديرا مرورك الكريم كاتبنا العزيز مازن
حقيقة أنك قلت كلمة تفسر ما قصدته في تساؤل ( وش فيها ؟ ) أنها تصغير لشر إضافة جميلة ودعنا نتعلم منك تقبل تقديرنا واحترامنا استاذنا |
اخوووي مازن هذا للاسف اللي يسمونه تحظر بالنسبه للبنات طبعا اما بالنسبه للي مايبي يدرس جامعه فهذا هو التخلف بعينه .
بصراحه طرحت اكثر من موضوع في اسطر قليله كبير كعااااااااادتك اخوووي الهدار |
يا اخي ايش الابداع هادا
جيت تطل غلبت الكل دوبك لسا مسجل في المنتدى وما شاء الله عليك منطلق بسرعة الضوووووووء مو الصاروخ اتوقع انك حتصير زي اخونا ماجد في التميز وخدها مني احتمال كرة كبيييير انهم يحطوك مشرف بعد فترة قصيرة نسبيا موضوع زي العسل خلينا نشوفك |
شكرا شكرا اخي الورور على الإطراء الذي لا استحقه كل ما في الأمر نحاول أن نقتدي باساتذتنا الكبار الورور ـ الملقوف ماجد ، وغيرهم من الكتاب والكاتبات النشطاء تحياتي للجميع واشكرهم لقبولهم لشخصي المتواضع عضوا في منتداهم العامر وتشجيعهم لنا 00
|
| الساعة الآن 04:19 PM. |