|
انا في مشكله والحل عندكم
صراحه انا في مشكله وابي منكم الحل
يالله ابدا صراحه كنت اضحك على الواحد اذا جاني زعلان واقوله ليه يقول والله جتني فاتوره قويه وكبيره اقوله ليه كم جتك يا حبيب امك يقول 1300 انا اقعد اضحك (ولد بطره ايش عليه) المهم ويجي اليوم اللي اسافر فيه بررره المملكه <<<<< اقرى اسم البلد (لا تترد بالزياره اسعارنا محدوده) قلت يالله يا ابو احمد خذ الشريحه السعوديه معك لين ما تدبر نفسك هناك ومن اول ما وصلت هناك وانا بس اكلم ما اخلص من واحد الا يجي الثاني وهكذا تواليا (اتشقق اذا تكلمت بالفصحى) الى ان جاني اليوم المشئوم جتني رساله من الاتصالات يقولون: ان حدك الائتماني على وشك الانتهاء انا والله ما ادري وين الله حاطني قلت اتصل على واحد في السعوديه يعلمني ايش صاير وهذا اللي صار بينا انا: الووو نواف نواف: هلا والله هلا بالطش والرش انا:قاطعته وقلتله بلا رش ولا مطر انا ابغى اسالك شئ نواف: ابشر انا: جتني رساله من الاتصالات يقولون فيها (ان حدك الائتماني على وشك الانتهاء ) نواف: (بعد ما بغى يموت من الضحك) صراحه انا كنت عارف انك قوي بس ما توقعت لهذي الدرجه انا: ايه ادري اعجبك بس قولي ايش سويت نواف: لا ولا شئ بس فاتورتك وصلت 5 الاف (وقعد يضحك) انا: لعنبو دارك (اول مررره اقولها لا تسالوني من وين جبتها) 5 الاف نواف: ايه يالطيب انا: لا ولك وجه ترد على الشرهه مو عليك الشرهه على اللي يتصل عليك وط ط ط ط ط وقفلت السماعه وصلنا للمشكله: انا ابغى اسدد الفاتوره من موقعي الحالي بدون الوالد ما يدري (ترى الجوال باسم الوالد) اعرف الوالد طيب (بيني وبينه ميانه) بس اذا جينا للحق والله 5 الاف تفشل لا وانا لي بس شهر اذا لو قعدت سنه ايش باسوي ايش اسوي شوروا على لا وبصراحه اللي يعطيني افضل حل وينفع انا عليا ادفع نص فاتورته الجايه مع تحيات الفارس ولا تعلمون احد (حقوق الطبع محفوطه للفارس) |
انا اقولك وش تسوي
شووف اخوي الفارس
مهما خبيت عن الواالد الا بيعرف وخاصة الخط باسمه فأنا اقوولك حااول تقووله عن الفاتوورة بس تعااله بأسلووب وحااول تلمحله تلميح يعني لا تعطيه في وجهه واامل ان اكوون سوييت اللي علي واكثر بعد اخووك تركي :D :D |
الله يرجعك بالسلامة يا فارس،،، وربنا يوفقك في سفرك،،،، هذا اولاً.
ثانيا: إنت ما قلت لنا،، عندك فلوس تدفع الفاتورة وللا لأ؟؟؟ أنا اللي فهمته إنه عندك،،، في هذا الحالة،،، إذا إفترضنا إنه عندك حساب في بنك محلي سعودي،،، تتصل على البنك،،، وتقدر تخصم الفاتورة من حسابك إذا معاك رقم حساب التيلفون. إذا ما عجبك هذا الحل،،، كلم واحد من أصحابك وحوله المبلغ وهو يتصرف. الحل الثالث،،، إتصل على شركة الإتصالات،، ووضحلهم مشكلتك،،، مليون بالمية حيلاقولك حل،،، هذولا ما يسيبون فلوسهم أبد أبد. أسعد الله حياتك. وسلملي على مانشتر يونايتد |
ما قصرتوا مشكورين
عسلسل:
احسك مسكين وعلى نياتك انا متاكد لو اجيه باي اسلوب وبعدين اقوله فاتورتي 5 الاف هي الحقوا على يا لكمه خطافيه يا سوبلكس في الهوا انا ناوي اخليها مستوره ومشكور على ردك هلا بشيخنا : اقلط الفيمتو وينه (ما عندنا قهوه) والله انت ربي مرسلك على من وين المهم انا باسوي اللي انت قلته والله يوفق وانا عند وعدي بس مولازم تكلم كثير خخخخخخخخخخ مشكور (جدي) |
| الساعة الآن 11:55 AM. |