جيتك وانا كلي امل..من قريتي بأقصى الجنوب=ماهمني طول الطريق..ولا هبوب العاصفه
جيتك وفا..جيتك دفا..جيتك معاناه وذنوب=جمعت نفسي في يدي..واهديتها لك ناشفه
ذا راس مالي عزتي..لبست نصف الثوب ثوب=شخص(ن)بسيط اقولها رغم اجتياح العاطفه
أنا الصراحه خطوتي..ماحب اجي عاشق كذوب=يغزل من القمرا قمر..لك بالوعود الزايفه
صحيح انا شوقي نجم..مايعرف وش لون الغروب=لكني ماحب الندم..يمشي بدربك سالفه
صحيح حبي لك نهر..والشوق بالخافق هبوب=لكني ماحب العيون..تبكي الدموع الآسفه
يابنت ذي قصتي..وهذي خطوتي..وهذي الدروب=ودك تخطيها معي...ولا فخلك واقفه