منتديات الـــود - o0o الـنســــــاء o0o

النسا روح المسا والليل لـو فكـر يبـات = كـان مافيـه اغنيـات وكـان مالـه ذكريـات
وكان ما فينا عظيم وما لأمانينا حليـف = ومـا بنـا قلـب وليـف ولا لنـا قصـد شريـف
النسا نصف الحيـاة الا النسـا كـل الحيـاة = آه يااسـرار الخـوات آه يااحـلام البنـات
آه يالطيش الطفولـى آه يالحسـن الشفيـف = آه يالعشـق العفيـف آه يالجنـس اللطيـف
علمن حتى المرايـا والشبابيـك اللغـات = والرسايـل والـدواة صـارت اعـذب مفـردات
كم بكن وانكف مبصر واضحكن وابصر كفيف = وارمشن واهتز سيف وهمس وامتـد ريـف
كم غدن لاخوانهن عزوة صناديد عصاة =بيـن صفـق المرهفـات وبيـن ضبـح العاديـات
طاحت اشناب وكراسي وانطلق دمع ونزف = واعتلى الخف المنيـف والمقابـر تستضيـف
النسا ضلع عـوج لـولاه كـل العـدل مـات = مالهـن عنافـوات ولا لنـا عنهـن غنـاة
تبرق الدنيا على يديهن ويغرينا القنيف = نطمع بتكريـم ضيـف وناقـف بيـوم عصيـف
النسا مـوج علـى بحـره منايـا وامنيـات = والنسـا مركـب نجـاة نسـأل الله الثبـات
هن لباس وهن فراش وهن معاش وهن رغيف = إن فتك جوع مخيف و ان حادا الرجال حيف
النسا حتى شراب الجنه العـذب الفـرات = تحـت ماطـى الامهـات يالهـن مـن مكرمـات
كل ماعود من الكد اقبل ابن ادم ضعيف = له ورا البيبـان طيـف مثـل نسنـاس المصيـف
في بلادي يحسبون إن النسا متخلفات = في المسا مستوطنـات وفـي الضحـى مستعمـرات
ما دروا عنه البيارق شمخ العرض النظيف = فزعه الدين الحنيـف شجـرة العـز الكثيـف
غادة وسجادة وكفيـن وحجـاب وصـلاة = مـن صبايـا محصنـات مـن عـروق طيبـات
اطهر من الفين منظر كلها فتنه وزيف = في رجا الصبح الكسيف واجـره الليـل السخيـف
كم مكان يعرض اعراض آنسات وسيـدات = والهـوى لـه بايعـات والغـلاف ولـه فتـاة
والحسن تشبير عنق وطول وخصر نحيف = وشي ماينشاف شيـف لاجـل الاول الوصيـف
شهب تشابه رسوم الشاشـة المتحركـات = مـا لزمتهـن طـراة ولا لهـن ملـح وحـلاة
لا ربيع فيه خير ولابه الابـروق صيـف = والشتـا مابـه رفيـق يحيـي اوراق الخريـف
لى مناحل لى خلايا كلهـا سكـر نبـات = لـى حصـون ناعمـات لـى غصـون شامخـات
لى قوارير ملاها العقل والدم الخفيـف = خلفهـا العمـر الكليـف ودونهـا الحـد الرهيـف
يازمن وش جـاب حلـوى غلفوهـا بالعبـاة = جنـب حلـوى للمشـاة وللغبـار وللشتـات
شف بدال ماهى لواحد صارت لجمع لفيف = كيف انا اخبرك كيف!! شوفوها فـوق الرصيـف

::
::
::
::