سلام عليكوم شباب وبنات كيفك وش اخباركم موضوعي اليوم هو الشباب وحركاتهم عند الاشارات
لووووووووووووووووووووووووووووووووووووووووووووووول
شوفو واضحكو وتراها صدق ماهي مزحه وانا متاكد ان كل واحد بيقراها من الشباب بيقول في نفسه اي والله انا سويت الحركه هذي وبعضهم يبي يسوي فيها انه مايسوي حركة من الحركات اللي بتجي الحين




@النوع الاول:-
هو اللي يستغل وقته ويرتب سيارته ويفتح دروج السياره ويعفــّط في الفواتير ويرميها في الشارع وفجأه ماتدري الا وهو ناقز في المرتبه اللي ورى ولا تستغرب اذا شفته ناط في شنطة السياره ( الرجال مرتب ) وتنفتح الاشاره والاخ مشغول في التنظيف.




@النوع الثاني:-
وهو اللي توه يكتشف ان وجهه محتاج تنظيف وصنفره ويسحب المنديل وعلى خشمه واذا خلص طفى السياره عشان ينظف اذنه بالمفتاح (قصده شريف) وشوي ويقص اظافر يده وماتدري الا وهو رافع رجله يقصقصها هذا اذا كان معه مقص اظافر واذا مامعه فالحل موجود طبعا يقص اظافرة بواسطة اسنانه (قمة النظافة)!!!!!!




@النوع الثالث:-
وهو اكثر واحد يفرح اذا وقف عند الاشاره عشان يستعرض ويرقص هو وخوياه ويرقصون السياره معهم.




@النوع الرابع:-
وهو عكس اللي قبله وهو اللي يشغل شريط مزعل فرحان
(جاني خبر في غربتي قيل بركود) <<<--------- اغنيه لمزعل حزيييييينه
وانواع القلق والحزن والتفكير وطبعا الاغنيه من كثر ماهي حزينه وقديمه تشك انه مغنيها قبل توحيد المملكه ويكون وجهه موّرم من الصياح وكثر الاحزان :frown:




@النوع الخامس:-
وهو اللي دوبه مكتشف انه (أب) ومايسمع اغاني وما تسمع غير هواشه وتلعينه على عياله اللي مالين عليه السياره وماتدري الا وهو ساحب العقال (اذا كان لابس جينز فيه حزام اقوى من العقال)
ومخرب الشخصيه (يستعمل اساليب التربيه الحديثه) ويصفق عياله بكرتون المناديل اللي ماليه بالسياره والفضل يعود لمحطة البنزين لو تمر من عندهم عطوك كرتون مناديل هديه.




@النوع السادس:-
وهو اللي يستغل الوقت ويجلس يشخص ويرش عطر وشوي يحط روج ومعلق الايفرون في اذنه ومشغل شريط (سيلين ديون) مسوي يتسمع غربي وانواع التحكيل في السيارات اللي جمبه.




@النوع السابع:-
وهو اللي اذا شفته ترحمه وتقول ميت من الجوع وتشك انه جالس في مطعم مو في سياره الرجال ماسك الهمبرقر بيد والببسي والبطاطس بيد (والله مشتهيها) والشاورما في حضنه والفطاير جمبه والبيتزا في المرتبه اللي ورى ولا تستغربون لو شفتوه طايح في مفطح.




@النوع الثامن:-
وهو اللي تحس انه ماعنده وقت ابد ودايم انيق ولابس نظاره وخاتم ومبحلق في الجريده ومسوي زحمة في الشارع واللي جمبه طفشان ومشتغل مسجات بالجوال.




@النوع التاسع والاخير:-
وهو اللي سيارته زحمه مو ناس لا مخلي ثوب ولا شماغ ولا بدله ولا جزمه الله يكرمكم الا ومركبها معه عشان يكون تبديل الملابس اسرع عند الاشاره (استغلال لوقته الذهبي) حتى البطانيه جايبها وماخذها معاه تعرفون الرجال مشغووول طول يومه.









يالله شباب لاتزعلون هذا الواقع وانا واحد منهم بس ماني معلم ههههههههههههه

اتمنى انها تعجبكم .............هتلرٍرٍ






__________________________________________________ _______________________
انا لو كان بي دمع ، نثرته للهوى تذكار ، انا لو كان بي صبر ، بقول ان الإلم ماصار
__________________________________________________ _______________________

هههههههههههههههههههههههههههههههههههههههههههههههه

طيب هذا يعتبر فن ههههههههههههههههه << اقلب عههههههههههه

يسلموو على الموضوع