منتديات الـــود - ((( تـعـــــــــــــالـــي )))


	((( تـعـــــــــــــالــــي ))) تعالى ببتدي بعض القصيد وشي في بالى تعالى حركي صمت القوافي ثم غنّيني وتمادى واسكني قلبي همومن مالها والى وتعدّي واقربي جنبي قريب ولا تخليني ابانسى ليلة احزانى وابانسى حزن موالى وابذكر فرحتى يوم القصايد فيك تغريني انا لامن ذكرت اغلى سنين العمر والغالى لقيت ان الغلا بعد الغياب يزيد في عيني وأشوف احلى مواعيد الغرام وربعها خالى واغنى للعيون وجرحها وأقول داويني واذا كانت عيونك مقتلى والرمش قتّالى عساى اموت في نظرة هذيك وذيك تحييني واذا كنتى عذاب وذاب فيك القلب من تالى طلبتك لا تردين الخفوق ولا ترديني وخذيني لاول اطراف الزمان ولحظة اوصالى ترى عمرى بدا يوقف وانا ما عاد يمديني انا وشلون اواصل رحلتى وأهدّي احوالى اذا كان الوصل حلمى وبعدك صار سكيني وانا وشلون ابانسى ضحكة شفاةٍ تهيالى مثل برقن لمع باقصي ظلامه وانتهى فيني وانا لامن ذكرتك يا سبب همّى وغربالى عشقت الهم وانواعه واقول ارجوك زيديني وانا لامن ذكرتك يا غلاى اجيك طوالى ماهو كيفي ولكن الخطاوى منك تدنيني حبيبة واشهد انى في هواها طيّبن فالى مدام ان الجروح جروحها منهو يجاريني ومدام انى خذيت امن الهوى ما كان يحلا لى وش اللى بطلبه دام الغلا منها مكفيني ومدام انى كسرت عيون حسادى وغذّالى من اللى يوقف بدربي لو عيونك تناديني ومن اللى يمنع عيونى تناظر دوم للعالى مدام انى عزيز النفس وانتىما خذلتيني وانا باكتب قصيدي وارسم ايامى وترحالى واعيش بعالمن فيه القصايد دوم ترثيني والى منك قريتيني حروفن نبضها غالى طلبتك لا ذكرتيني امانه لا تناسيني للشاعر / فيحااان الصواغ