((( فــــــــاح عطـــــــــرك)))


فاح عطرك وانثنى الليل لعيون القصيـد
والهوا الشرقي لياهب ينعشنـي هـواه

شاقني صوت الحمامه على غصن الجريد
يوم جرت صوتها ون قلبي مـن عنـاه

آآآآآآه يادنيا الوله والزمان اللي عنيـد
يتعب الأنسان ويمـوت ماحقـق منـاه

سيدة عشقي وش اللي بقى والحب قيـد
بين سهر ونوح والجرح ما حصـل دواه

المحبة نارهـا ذوبـت صلـب الحديـد
كيف قلب انسان مؤمن بربـه ماعصـاه

يابعد عـذب المعانـي ليـا نـام البليـد
وابتدى ليل القوافي وجـاب اللـي وراه

شاعرك لاهزه الشوق والمسـرى بعيـد
ماتذكر غير صوتـك ولايرجـي سـواه

القصايـد فيـك لبستهـا ثـوبً جديـد
تفتخر بك مـن بدايـة غـلاك لمنتهـاه

ارتوي ياسلوة القلب من عذب النشيـد
واسكني في وسط قلبً زمانه ما عطـاه

سولفيلي عن غلانا تـرى طلتـك عيـد
وقدرك بقلبي على طول عالي مستـواه

انتي اغلا من هويتـه ومعنـاي الأكيـد
الغلا اللي مايضمك مـروح اطـرد وراه

عاشقـك والله يفعـل بعبـده مايـريـد
ومن رجى ربه عسى الله مايقطع رجـاه



سعد العصيمي