|
مهــــداة للشــــ كلــه ــــوق *(من اجمل ما قيل في القهوة)*
يا مل قلب كل ما التم الاشفاق=من عام الاول به دوكيك وخفوق كنه مع الدلال يجلب بالاسواق=ومن العام عند معزل السوق ما سوق يجاهد جنودفي سواهيج الاطراق=ويكشف له اسرار كتمها بصندوق لا عن له تذكار الاحباب واشتاق=باله وطاف بخاطره طاري الشوق دنيت لي من غالي البن ما لاق=بالكف ناقيها عن العقف منسوق احمس ثلاث يا نديمي على ساق=ريحه على جمر الغضى يفضح السوق واياك والنيه وبالك والاحراق=واصحى تصير بحمسة البن مطفوق اليااصفر لونه وبشت بالاعراق=اصفر كما الياقوت يطرب لها الموق وعطت بريح فاخرفاضح فاق=ريحه كما العنبر بالانفاس منشوق دقه بنجريسمعه كل مشتاق=راع الهوى يطرب ليا دق بخفوق لقم بدله مولع كنها ساق=بلورة منصوبة تقل غرنوق خله يفوح وراعي الكيف يشتاق=اليا طفح له جوهر صح له ذوق اصفر قموره كالزمرد بالاشعاق=وكبارها الطافح كما صافي الموق زله على وضحا بها خمسة ارناق=هيل ومسمار بالاسباب مسحوق مع زعفران والشمطري الا انساق=والعنبر الغالي على الطاق مطبوق واليا اجتمع هذا وهذا بتيفاق=صبه كفيت العوق عن كل مخلوق بفنجال صين زاهي عند الارماق=يغضي بكرسيه كما اغظاي غرنوق اليا انطلق من ثعبته تقل شبراق=او دم قلب وانمزع منه معلوق خمر الا منه تساقى بالارياق=وعليه من صافي الورد مذلــــوق راعيه كنه شارب ريق ترياق=كاس الطروب وسرور من ذاق له ذوق يحتاج من خمر السكارى الى فاق=طفل يشف شفاه والعنق مفهوق عبث يعيل بحبه منه ماماق=وهو يضاهي باهي البدر بعشوق في وجنتيه الى غنج بارق حاق=عجل رفيفه بالطها الغرق بطبوق سحر كتب من حبر عينيه بوراق=خديه صادين ونونين من فوق كن العرق بخدودها حص ارناق=نثر على صفحات بلورة الشوق الا تبسم شع واشرق بالآفاق=نور يفوق البدر سحار منطوق وبالعنق كن المسك والورس براق=مامشخص في صدري الشاخ مدفوق تمشي برفق خوفها مدمج الساق=يفصم حجول هزه الثقل من فوق اليا حصل لك ساعة وانت مشتاق=فأقطف زهر مالاق والعمر ملحوق فالى حضر ماقلت عندي الأرزاق=بيدي كريم كافل كل مخلوق هذا وصلوا عد ماناض براق=او ماشكى الفرقى شفيق لمشفوق على النبي مازج زاج بالاوراق=وآله وصحبه عد ماسيق مسيوق |
|
الله الله الله يا الجهني
بصراحه قصيده رائعه وطبعا اذا سمحت لي خوي .. هي لها قصه .. وبصراحه ما ادري منو الشيخ اللي القاها وشيخ اي قبيلة .. بس مفادها ان ربعه تحدوه يقول قصيده مافيها ولابيت غزل المهم هالشيخ سلمكم الله قبل التحدي وقال بسوي قصيدتي بالقهوه المهم لما استرسل في قصيدته اللي ذكرتها اخووي ولاجاب ولا بيت غزلى حتى وصل البيت اللي يقول فيه : راعـيـه كـنــه شـــارب ريـــق تـريــاق كاس الطروب وسرور من ذاق له ذوق طبعا في اثناء القصيده لما شافوه مافيه امل يتغزل وبينهم تحدي قوي قالوا لبنت معزبهم البسي خمارك وروحي ودي البن عند شبة النار واطلعي بسرعه طبعا كانوا كلهم شيبان وقلوبهم طيبه وعلى نياتهم والقصد منها في النهايه سالفه وسولافه المهم يوم وصل الشيخ للبيت اللي ذكرته لكم : راعـيـه كـنــه شـــارب ريـــق تـريــاق كاس الطروب وسرور من ذاق له ذوق جت البنت حطت البن وانطلقت وطلعت بسرعه بعدها مباشره الشيخ استهوته القريحه وانفلت بالغزل وهو كان يقصد بالقهوه وهي تكملة القصيده من بعد هالبيت وهي من اروع القصص الى الان وتسلم يالجهني على الطرح الرائع |
الشـــــ كلـــــه ــــوق
غالي بقلبي مثل ذاك القمـــــــر فوق=باعطيــك من عذب المشاعر وازيدك هذا قليل من الغلا جــــاك منطــــوق=والا بقلبي يعلــــم اللــه رصيـــــدك ان غبت وان ما غبت باقي لك الشوق=وقلبي مثــــل ما هو على حطة ايدك الف شكر على مرورك الغالي وما عليـــــك زود اخو عزيــــــــــز وغالي ولا هنت |
|
|
عذب الوصــــايــف
الذيب لامنه رقى بالمراقيب=يطري عليه اهل القلوب النظافي يطري عليه اللي يعرف المواجيب=شرواك ياللي طول الايام وافي لا بد ما تصفي عدود المشاريب=ونشرب انا وياك من عد صافي الف شكــــــــــر على اهتمامـــــــك اخو عزيــــز وغالي ولاهنت |
طارق الجهني
يعطيك العافيه على الاهداء الجميل لا خلا ولا عدم |
|
| الساعة الآن 05:19 PM. |
