|
كان ذلك منذو .. هاك السنه !!
..
صلايخ .. << النصاب الكبير بالشله ، والذروق الامعط خربقا .. << الرخمه الكبرى معنا ، بياع الدفرنسات ، اعلمكم عنها بعدين حروقا .. << والله من شين الدبره بعد , اكبرنا واهبلنا !! .. كان ذلك منذو هاك السنه ، يومني بزر ، عاد ماهوب بزر بالحيل ، من الطعش وجاي << أأأأي يعني يومني بسادس ابتدائي بالضبط << اقول اخلص ،، ايه .. الصراحه كنا بالحاره شلل ، يعني عصابات ، عاد مهوب عصابات مثل حقين اليوم ، خطف وذبح ونحو زالك .. لا ااا ، ان هسترنا ، سرقنا فطور حدا الطلبه ، اولطشنا من دكان ابو مهيوب الزيدي ، أي شي يتطرف لنا ، لا ونسيت بعد ، الصغيرين اللي يكزونهم اهلهم لم الدكان ، عافلينهم عافلينهم ، الله لايعوق ، اذكر مره السلبده ، كزوه اهله يجييب خبز ، حزه المغرب يومنه مر من عندنا ولا سعابيلنا تكتب خمسات بالارض ، اوكل واحد منا يناضر الثاني ، ناوين الهده عليه وهو يقوم صلايخ ويخطرف له ولا اول ما يمحط الارض دنقوره ، ايه دنقوره يعني خشمه بمفهومنا ها الحين، ولا الخبز متطاير من ايديه ، وقبل يطب الارض ولانا ضافينه ، اوقبل يوصل المتر الثاني عشر من الامعاء الدقيقه ولا اخوه الكبير ، الله لايوفقه ، مرقيه فوق !! ايه فوق ، مر مع البلعوم اوطلع مع اول مثعب شافه ،، .. صبح امن الصبابيح ، طق الماصوره حروقا ، على فكره كانت الماصوره حقت الكهرب اللي عند البيت ، هي البيجر والجوال بيننا ، اوكانت نوعيه الطقه توضح اهميه الموضوع << تقنيه ماوصلوها الى هالحين عموما كانت الطقه حاده بالحيل ويفهم منها ، عجل لايفوتك !! ، قمت وانا نصف عيوني غمص والثوب واصل الركبه ، امتعرفط امن التدحوس بالفراش الوثير << كنبل داخل فيه على شكل شورما" اول ما شفت وجهه ولا الزبعه تنثر ذات اليمين وذات الشمال ، قلت اكيد ها الصتيمه طايح على شي مضبوط هااااااه حروقا وش عندك ؟؟ قال شف !!! ولاه حاط ايده على مخباه ، وباين فيه شي كبير !! ماصبرت انا ، عجل اخلص علي وش فيه ؟؟ وهو يسحب ايده بكل هدوء … ويطلع علبه فيها صوره طماطتين ماعمري شفت مثلها ، قلت الله يلعن ابو شكلك من وين جبتها ؟؟ قال ماعليك ، المهم دبرنا اب مفك صلصله اوخلنا نشوف وش فيها ، رحنا بعيد عن الحاره وكلنا امل بوجبه حالمه ماذاقها احد قبلنا ، الصراحه صورة الطماط باالقوطي مثيره ، ماهيب طويله فتحنا العلبه !! ولا هاك الطماط الماسخ اللي لاطعم ولا ريحه ، افلسنا من الوليمه او ضاعت كل الهقاوي ، ورجعنا على لحم ابطوننا !! لا واللي قاهرني اني قلت لامي تراي مابي الغداء << لواني قايل افهقولي ابرك لي ،، .. العصر والناس تصلي ، وحنا جالسين باالتشهد الاول ، واللي بجنبي سمع مؤذن مسجد ثاني يقييم للصلاه ، يومنه قال لااله الاالله ، جاوب له ، عاد تراه طلع مقضم ، مقضم حلاااااوو ؟؟ الله اعلم !! بس الوكاد انه يحفر حنكه التحتي << هذي يعرفونه اصحاب ابو شمس الله لايبلانا << والله من الصزز عموما ماهيب طويله كل واحد ياخذ باله من حنوكه ، لا يقعد احد يلعب فيهم ، ترى الدنيا ماهيب مامونه هاك الايام ترى اللي صايره عليه السالفه واحد جالس بجنبي ، مدمن فصفص مالح والعياذ بالله ، عاد مانيب قايل انه خربقا ، على شان ما اعطيه اكبر من حجمه ، ويقعد يتنعطز علينا !! << كلمه مندثره ،مأخوذه من العنطزه << ول ياسيبويه عاد السالفه اومافيها ان ابوه توفى الله يرحمه ، ولا طاله من الورث ، الا مازدا ،ذيك ام اصطبات كبيره اخذها من واحد داشر ، يطلب ابوه فلوس ، اوكل يوم ناشب بحلقه ، يومن ضاقت االدنيا على الرجال وهو يطلب من ولده المازدا ، ويجيك الولد ويشلحها الى اخر قطره فيها << حشا صارت زيت زيتون اخذها الشايب وركنها بعشه عند البيت ،او كل يوم رايح منها قطعه << حشيش صارت المفيد انه ما بقى منها الا الشاص والدفرنس !! وخربقا كل يوم يردد هاالاسطوانه !! ماتخبرلي واحد يبي دفرنس مازدا !! .. امنول ، كل حاره عندها مجموعه من النوادي الكرويه ، وتكون عادتن حسب اعمار اللاعبين المفيد اني اسست نادي اسمه نادي السواري << رهيب هاالاسم تصدقون عاد اني متحسف عليه الى الان بس اللي قاهرني اني لقيت شركه بالرياض لاطشه ها الاسم << هقوتكم اقدر ارفع عليهم قضيه ماهيب طويله ، اشتهر الفريق ابكثر الهزايم ، ولااخبي عليكم انا صرنا ملطشه ، لمن هب ودب اذكر مره سوينا مباره مع نادي اكبر منا شوي ، وعيال الكلب صكو بنا اربع وعشرين قووول ، يادافع البلاء نسيت اعلمكم اني انا الكابتن ، او صلايخ الحارس << تدرون ليييييش لانه دووووب ، اثنين في ثلاثه متر مقاسه اوخربقا جناح ايمن ، تدرون ليش بعد ؟؟ الضعيف عنده حذفه بالرجل شمال ، ولامنه جته الكوره صدفه << ماحد يناوله ما ندري الاه ناحر الزاويه الشماليه !! ، ولايرده بعض المرات الا .. شحنه حصى عن الملعب يجيلها كيلو عاد الصتيمه حروقا ، راس حربه << والله من التهأويل بعد ،، مره ناولته كوره ، وهو لحاله ويجيك يمشي الف يبي الكوره تقطع الشبكه ، او صراحه ان الحارس خاف انه يضيع ملامح وجهه ، بس المصيبه ان الدعوى صارت عوافي << اخطى الكوره ملعون الخامس عموما" كثرو اعضاء الفريق وصارله وزنه << بالهزايم طبعا" ،، اوقرارنا نحن زعماء النادي انه يصير لنا طقم خاص اوعقب هوشات ، اوزعلات ، اوماتخلا من التفلات بعد ، اتفقنا على اللون ، بس المصيبه بقت سالفه الارقام !! اللي يبي رقم تسعه ، تسع اوتسعين بالميه ، اويالله حليناها بطريقة حقرا بقرا ..!! كل واحد دفع عشرة اريل ، اكثرهم لاطشينها ، وصار المبلغ معي ، اماه انا الرئيس !! يومن رحنا انا اووجه الفلس خربقا ، نبي نشتري الفنايل ، ولااا فيه جزمات باتريك جديده تلق ..!! قالي وش رايك !! ، على طول فهمت اللي براسه ، اوما طلعنا امن المحل الا حنا مطقمين جينا للحاره ، ولا الشباب صافين سرى ، كل واحد منهم يحتري الطقم الجديد !! هااااه ؟؟ وش العلم ؟؟ قلنا الصراحه ان فيه عصابه بالسوق ، دبجونا واخذو القرووووش !! تفكك النادي عقب هالسالفه ، او عقب اسبوع من الكارثه اللي حلت على النادي ابسبايبنا شافونا اوحنا نلعب عند البيت ، او علينا الطقوم الجديده !! .. . . .. مع السلامه .. .. قضينا .. . . . . . . . . . . . . . . . . . . . . . .. وش فيه ؟؟ ياخي قلنا لك مع الدرب اللي يبتل مع ذاك اوذاك ..!! .. شف اذا انت راعي طويله ابقولك ها السولافه ، بس لاتقول لاحد ، زين ..بس اول شي قم ضف الحوسه اللي عندك ..!! ولاااااا عاد تراني هوونت ، ليييييش ؟؟ ياخي موب شغلك ، اقول اصرفلك رح نم ، ترى الوقت كاالمحش ، اذا لم تحشه ، حشك بس تصدق عاد رحمتك ، شكلك جالس الاحالك ، يمدحون مرقه الديك ، الامثل حالتك ، اوترى المشمش اليابس ماهوب شين تصدق مره عندي مغص بالبطين الاعور ، وهي تجي لمنا جارتنا العجوز ام اسلاك مكشوفه << تقلد ابو عيون جريئه قالت انصحك بالخروع اللي ضايق صدره !! << منين ادبره هاذا ؟؟ اقول عاد تراني عطيتك وجهه ،، او بعدين ..!! يالله ابروح انام ،،،،،،،،،، هاااااه وش قلت ؟؟ اناااا ما عندي سالفه ، لاااا عاد انت او وجهك اللي تسنه رسيفر مهنق ..!! انااا وجهي تسنه واحد يناضر برنامج مصطفى محمود ..!! ، عاد اسمع تراي عطيتك اكبر من حجمك ، تدري وش تشبه انت ؟؟ تعرف الحلوه اللى تجي مع مالك الاهيفاء ..!! ايه اللي وراء هيفاء بالضبط ، ايه ذييييك ، علييييك نورررر تسنك الصتيمه اللي يتمرن وراها !! . . . . . . . . . . . . . . . . . . . . . .. اااااااايه ، او بعدين وش تحتري ، شكلك رقت مع ها الكلام اللي من الركبه اوفوووق ..!! يالله عاد نم ، نم ، تراااااااهم ، يدورون الناس الفاضين ، مثلك اوشرواك ، منهم ذولي ..!! الحكومه ، هاااااه حكومه ؟؟ أي نعم ، شكلك خفت ..!! ، يارجال لايهمونك تراهم كلهم يحبون هــــــــيــــــــفــــــــا ء . م ل ط و ش |
:D
:mad: :confused: طووووووووووويله تعبت صادق الود انت عيونك مشرف وكثر كلامك:D امزح حلووووووووووووووووووووووووووووووووه الدراسه جت عساء الاعضاء يقرون دروسهم:p مشكوووووووووور على التواصل:p صديقي يامشرف;) |
السلام عليكم ورحمه الله وبراكاته
هههههههههههههههههههههه
:D <<<الولد عربجي مايدرس:p بس لاحد يدري من اهل المنتدى عشان مايقولون فاشل(يحسبوني مثقف):D والف شكر لك على الرد والتواصل الجيد |
| الساعة الآن 01:18 AM. |