منتديات الـــود - لــــو سمحتـي

اعتذر لكم عن غيابي

[poet font="Simplified Arabic,4,deeppink,normal,normal" bkcolor="white" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
على طاري عيونك لو سمحتي فسّري المجهول=عيونك ليه تبحر بي وتبعدني عن أفكاري
عيونك أقسم بربي تشرّد عالمي المأهول=وتاخذني بعيد هناك عن ربعي وعن داري
تداري داخل عيوني عسى عين الحسود تزول=أنا من يوم ما شفتك وأنا داخلك متداري
أخاف إن البشر تفنى ,, وإذا ماتوا من المسؤول=يقولون المرض يمكن ,, وأقول إلا وانا داري
أنا داري ذبحتيهم بهمسة حكيك المعسول=ولو يدري بك القاضي ,, حكم لك سجنٍ اجباري
أنا وأنتي تناسبنا قضية ( قاتل ومقتول )=قتيلٍ ما أعرفوا موته ,, رغم إن البحث جاري
حقيقة فعل مع فاعل ,, نصب من بعده المفعول=كشفت الفعل والمفعول ,, وصار الفاعل أسراري
إلا منك رفعتي الرمش جيت من الوله أسطول=وإلا منك تبسمتي ,, نخيت الفكر وأشعاري
وإلا منك نطقتي أسمي ,, وقفت من الحكي مذهول=وتر صوتك يداعبني يحرّك نغمة أوتاري
وإلا منك سألتيني علامك !! ,, مدري ويش أقول=خذيني صمت في عيونك ,, نهاية كل مشواري
تعديتي جمال الناس ,,, وحزتي زين لا معقول=كأن الزين قدامك غدى في الظل متواري
( وفاء الخل ) و ( العنقاء ) وثالث مستحيل ( الغول )=ورابعها تراه أنتي يحفظك ربي الباري
عطيتك كل أيامي من ( أغسطس ) إلى ( أيلول )=مدامك شهري الثالث عشر تفداك وأختاري
خطوط العرض في قلبي تساوت مع خطوط الطول=وصار الوقت متساوي إلا من جيت لك ساري
شغلتيني بنظراتك ,, وصرت التايه المشغول=وأنا في ذمتي قبلك محد قد حرّك أسواري
أدوّر للغلا قصه ,, وأدوّر للغرام حلول=عيونك أسئلة قلبي ,, وأنا لعيونك القاري
وأدوّر للوله ليله ,,, عسى ليل القصيد يطول= وأدوّر للسحاب اللي يسيّل ميت أنهاري
معك كل النظر يحلا معك كل العيون تجول=تبين الصدق سميتك كذا ( ريموت انظاري )
معك كل الشعر يطرب معك كل الحكي مهبول=معك قلبي يصيح اليوم ( أحبك يا اجمل اقداري )
ثناياك الجميلة مثل لون الثلج في اسطنبول=لمحت الثلج في ثغرك وذاب القلب من ناري
ذكرت عيون تجذبني وقلت افسّر المجهول=وجيتك يا بعد عمري مدام عيونك الطاري

[/poet]