منتديات الـــود - علم يجمد على الشارب

السلام عليكم مسيكم بالخير او صبحكم بالخير بعد غياب لمدة اسبوع اليكم هذي القصيده وخير الكلام ماقل ودل

========================

العمـر يفنـى .. وتـال العمـر زوّالـي
الله و أكبـر علـى الدنيـا وباغيـهـاا !!

( جابت قناة الرشـاوي زيـف الانذالـي )
زمـرة ردى بـاول الدنيـا وتاليـهـاا !!

و جابوا تلافيقهـم .. رجلـي وخيّالـي !!
وصارت في وجه الحقيقه من يجاريهـاا !!

حاضر بحاضر .. نزيد الصاع مكيالـي !!
( ما نبخس حقـوق خلـق الله نوفيهـااا )

تشهد على حزن قلبـي ( ضيقـة البالـي )
ويشهد على ضيعتي ( نظرات راعيهاا ) !!

ويشهد على غربتي ( نور القمـر عالـي )
ويشهد على لوعة الملهوف ( قاريهـاا ) !!

( عيّت بروج الهواتف تلقط إرسالـي ) !!
( وزادت جروح المعنّى من يداويهـاا ) !!

( لي خمسة ايام مـا خليـت جوالـي ) !!
( انظر رسايل غرام الحـب وابكيهـاا ) !!

كله عشـان الحبيـب اللـي بـرى حالـي
ليته يـداري شعـور النفـس ويجيهـاا !!

غـاب وتركنـي أزل الشـوق فـدلالـي
فالجلسـه اللـي علـى العـزّه مبانيـهـاا

صـده يزلـزل حنايـا القلـب زلـزالـي
( كيف العهود الوثيقه .. صار ناسيهاا ) !!!

ما كنت اظنـه يكـون بيـوم محتالـي !!
( يعيش قصة غـرام ٍ مـا يداريهـاا ) !!

ما كنت اظنـه يكـون بيـوم متعالـي !!
( الله و اكبر عليـه ان كـان ناويهـاا ) !!

ذقت العـذاب المصفّـى الـوان واشكالـي
( من كثرها صرت اضيّع بين اساميهاا ) !!

من يوم كنت الصغيـر ومالبـس عقالـي
وعيني ليـا مـر زول الخـل يشيقهـااا !!

حبه جنوني .. ( غرامـه أكبـر عيالـي )
وحـق المحبـه علـى نفسـي ابديهـاا !!

واليوم رجّـال .. حبـه مـا بعـد زالـي
( واطلب من الله قـدوم أحلـى لياليهـاا )

( يا شين دمعه تحير بعيـن رجّالـي ) !!
( لا قاوي ٍ كتمهاا والخوف معميهـاا ) !!

ما غاب عني وانا فـي قمـة اشغالـي !!
وما تبكي العين غيـر عيـون غاليهـاا !!

( لولاه ما صرت شاعر ينظم امثالـي ) !!
( ولولاه .. لولاه .. ما زانت قوافيهاا ) !!

( نـوادر ٍ نـادره عذبـات وجزالـي ) !!
( ترضي خفوق الذي يعشق معاليهـاا ) !!

( الحب لوعه .. وحرمان الهوى طالي ) !!
( والنفس تشتاق .. واللوعات تطويهاا ) !!

( إن شان مخراجها .. يا كيف مدخالي ) !!
( القصة اللي على العلميـن نرويهـاا ) !!

اشعلت ساحة ( عظيم الحـب ) بشعالـي !!
( نار ٍ تلظى .. ما غيـر الله يطفيهـاا ) !!

( اقول اخليـه .. فـال الله ولا فالـي ) !!
( يا كيف نفسي تصد اللـي مهنيهـاا ) !!

له فالحنايا .. ( بيوت وقدر وإجلالـي ) !!
( والعين ما غيره من النـاس ماليهـاا ) !!

فالقلـب مسكـان حبـه والهنـا جـالـي
داج الضلـوع وتمكّـن فـي محانيهـاا !!

يآمـر وينهـى .. حبيبـي مابـه جدالـي
والروح لاجله على الشـدات مصخيهـاا !!

( إن كانها بالغلا .. يبطي وهو غالـي ) !!
( وإن كانها بالنقا .. عشرتْه شاريهـاا ) !!

ماشـي علـى نيتـي والحـزن يبـرالـي
وان زانت الساعـه تهـاوش ثوانيهـاا !!

( أشرب من الشوق ما هزيت فنجالـي ) !!
( واسكر من الحب والحسرات يمديهاا ) !!

( أشكل تمشكل شكوك الشك فشكالـي ) !!
( شاكي ويشكي شكيّه عنـد شاكيهـاا ) !!

يا ( سين ) يا ( ميم ) هذا اللي على بالي !!
يا ( غين ) يا ( ميم ) قلّي وش تواليهـاا !!

دايم على البـال فـي حلـي وترحالـي !!
وان ضاقت العاصمـه نـوره يكفيهـاا !!

( إن كان وصله صعيب ولا تهيالـي ) !!
( يكفي طيوفه تزيـن ليـل مغليهـاا ) !!

( وان كان خلي سمع في هرج عذّالـي ) !!
( لا والله إلاّ علينـا ثـار سافيـهـاا ) !!

اسـج لحظـات والكابـوس يطـرالـي !!
( في كل حـالات ذا الليلـه بينهيهـاا ) !!

عطوه علمـي وقولولـه عـن التالـي ..
( كلمات .. لازم يدقق فـي معانيهـاا ) !!

( إن كان خلي رضى حزني وغربالي ) !!
( يحرم عليّ القعاد ابدار اهـو فيهـاا ) !!