[poet font="Simplified Arabic,4,white,bold,normal" bkcolor="transparent" bkimage="" border="none,4,gray" type=1 line=200% align=center use=ex length=0 char="" num="0,black" filter=" glow(color=darkblue,strength=5)"]
سوق علم النشاما دلة ٍ شاذليه = وعودها العود الازرق في المجامر تبارا
وسط مجلس جمع كل الوجيه النقيه = والحفاوه مع الترحيب ربع ٍ حرارا
الكرم من طبايعهم ما جاهم هديه = وارثينه من اجدود ٍ تحوف الديارا
طيب مبدأ وطيب الفال والنار حيه = والردي ما يخالطهم عساه الجبارا
الخطيه ما تنبع من طرفهم خطيه = طيبهم ثابت ٍ في ليل وإلا نهارا
ويدمحون الخطايا عزوة ٍ عبدليه = نعم ذيك اللحى ورجال نعم الخيارا
مدحت الطيبين اقولها ولا عليه = دام فعل النشاما بين ٍ بالمدارا
والرجوله وهبها الله رب البريه = من يدور لها لا بد يجلى الغبارا
ومن هو طبعه ردي ماهو مخلى الرديه = عرقها ينعرف بالسر وإلا جهارا
والولد من صغر سنه يا حسنه يا سيه = وان طلع لك ولد تلقاه يقدح شرارا
[/poet]

مع فائق تحياتي لكم

اخوكم