منتديات الـــود

مدري رجعتي عشان الشعر والشاعر ..
والا علشان ذكرى ايام عشناها ؟
والا علشان شخصٍ يكسر الخاطر ..
له (نظرةٍ) مافهمتي ويش معناها !
ماشال في صدره الا احساسه الطاهر ..
وهموم مايعرف اولها من اتلاها !
(وفي) مع الكل لكن الزمن غادر ..
عاتب على الوقت والناس وسواياها !
من يوم هو طفل (خاوى) حزنه وسافر ..
في غربةً مزمنه هو من ضحاياها !
من خلقته والفرح في دنيته عابر ..
(عيت) سنينه توضح له نواياها !
يذكر خريف الفصول وصبحه الباكر ..
جات بتوصيه امه بس ما أمداها !
لملم بقاياه واخفى دمعه وكابر ..
وبعيون امه معاني الحزن يقراها !
صبر الين انتهى صبره وهو صابر ..
(مسكين) ماعاد يدري وين يلقاها !
من غربة الروح والا حظه العاثر ..
والا من الوقت والناس وسواياها !