|
حاجة صغنونة
السلام عليكم
كيف حالكم ان شاء الله مبسوطييين يا جماعة انا عندي شيء صغنون مرة واما ما اعتبرو مشكلة من اساسو بس ابغى اشوف رايكم يا جماعة ان ساكن في جامعة السكن حقها استغفر الله لا تعليق بس زي الزفت وناوي ايش ناوي عازم انو اسكن في شقة برة الجامعة بس المشكلة تكمن في اهلي وما ادراك ما اهلي ما هم راضيين بتات وحجتهم انو المستوى الدراسي حيروح فيها وحجيب العيبد وكمان يعتقدو انو السكن برة يجلب مشاكل طبعا انتو عارفينها ما يحتاج اقولها (يعني المصايب اللي كل يوم والتاني نسمع عنها في الجرايد) هدا بالنسبة للاهل المشكلة التانية انو السكن برة اكيد حيوخر عني الدوام ويمكن في بعض الاحيان الاختبارات حتقولولي قووم بدري اقولكم انو التفتيش بالراحة ازا كانو طيبين معان يمكن من 20 دقيقة الى 30 دقيقة في الايام العادية هدا ازا مو اكتر ازا حمي الوطيس والشيء التالت والاخير انو ما في مواقف كفاية وازا لقيت موقف غير نظامي حالاقي القسيمة ترفرف على كبوت السيارة ايش الحل اسمع كلام اهلي واغصب نفسي واتحمل السنتين اللي بقيتلي ولا اصفهم واروح اعيش حياتي (ترى مني ناوي اخربها بس ابغى ارتاح نفسيا واقتصاجي ورياضيا واجتماعياوثقافياووووالخ) ارجوكم رجاء انو تدوني رايكم السديد دمتم في رعاية الل |
اخي الورور
( كل واحد ينام على الجنب اللي يريحه) طالما السكن مو عاجبك ومانت مرتاح فيه وشايف انو اذا بعدت عنه حتتحسن فليش التاخير...........انقل والاهل قولهم انهم مش عايشين او شايفين العيشه الزفت اللي عايشها وانت انسان كبير تعرف الصح والغلط ومش راح تسوي شي يغضب الله قبل كل شي ويغضبهم عليك......... وعلى المشاكل او الصعوبات اللي بتلاقيها مع النقل فا اقولك شي ( مافي حلاوه من غير نار) (اللي يبغ الدحه لايقول احه) فهمت.......الورور هونها وهي تهون....... اختك هيفاء |
السلام عليكم ورحمة الله . (ترى ماني ناوي أخربها بس أبغى أرتاح نفسيا وأقتصادياً ورياضياً واجتماعياً وثقافياً ووووالخ) الكلام أعلاه صدقني حتجيب العيد بعده . لأن الراحه المذكوره سابقاً حتنسيك مو بس الجامعه حتنسيك طريق الجامعه. عموماً أنت أدرى بنفسك وطالما باقي لك سنتين فنصيحتي أصبر والله يعوضك خير وحتهون إن شاء الله . أخوك الخط الأزرقـ . |
السلام عليكم
الاخت هيفاء باين من ردك انك مهتمة بالموضوع وهدا ان دل على شيء يدل على طيبة قلبك وحرصك على مشاعر الاخرين (واحد نصاااااب) الاخ الخط الازرق الله لا يجعلنا اجيب العيد فاول خير يا اخويا شاكر لك الراي يلا نشوفكم في اقرب وقت منكن |
اخي الكريم الورور.. ارى انه من الافضل ان تتحمل هذه السنتين في السكن.. اخي يمكن بقاءك في السكن يجعلك تخلص السنتين بسرعة ..ولكن لو كنت في الشقة خارج الجامعة يمكن ترتاح وتمشي على مهلك في الجامعة.. انت لست صغيرا كي يخاف احد عليك..فانت شاب وتستطيع ان تحافظ على نفسك من الناحية الدينية والاخلاقية ولكن كل ما في الامر اننا نريد مصلحتك فقط.. تحياتي |
الله يسلمك اخت ومضة على حرصك عليا واضاءتك للموضوع
|
| الساعة الآن 07:56 PM. |