|
الجرأة كيف نخليها متأصلة (ترى بالضرب طلعت الكلمة هادي) جوتنا؟؟؟؟؟
السلام عليكم
ليش اكتر شبابنا وبناتنا خجوليين او عشان اكون اكتر دقة ليش الجرأ عندنا صفة شبه نادرة؟؟؟؟؟؟؟؟ الجواب عند ابو العريف (ترى الكلام الجي مهو قرآن بس مجرد راي) يا جماعة دحين ازا القينا نظرة سريعة الى ما بداخل اغلب بيوتنا (انا داري انو للبيوت اسرار بس هدا شيء شبه شائع) حنلاحظ انو الطفل خلال التربية ما يحفز لعملية الالقاء (ايشبو هادا ناوي يقلبها مدرسة ولا محاضرة) والسبب من الابوين. ازا الطفل او الطفلة سوت شيء غلط واكتشفناه او اكتشفناها اول شيء غالبا عتاب وبعدين ضرب او نقولو انقلع يا........(كل واحد وسبتو عاد) يعني ما نحاول ندي فرصة عشان يتكلم ويقولنا ليش سويت او ليش ما سوييت الا ما ندر من بعض الناس اللي يطبقو الكلام هدا (محدجيني ويقولي انا اطبق الكلام هدا ترى انا قلت اغلب مو كل). و شيء تاني كمان الطفل لمن يرجع من المدرسة اومن اي مكان غالبا الام تسالو عن بعض الاشياء اما الابو ما عندك احد وبعض الاحيان كل الاتنين في الهوا سوا يعني ما نديهم الفرصة انهم يتكلمو و تالت شيء (رايكم المهم جدا لانو انا نمني استاد تربية انا حتة طالب جامعي ما يفهم شيء في الموضوع) والسلام خير الختام |
يعطيك العافية على الموضوع !
نعم التربية يجب ان تكون صحيحة ومثل ماقلت لو ان الابوين يتركوا الابناء او البنات يتكلمون لمعرفة ارءاهم يمكن يتغير حتى الطفل في طريقته فالضرب لايفيد في التربية الا في حالات نادرهـ جدا وبسيطه ! |
تحياتي لك اخي الغالي
علي موضوعك الجميل اعتقد اول يوم هناك ضرب صح كان الوحد منا يخف من ضلالة بس الحين ماعاد الضرب ينفع التفاهم وتقريب وجهات النظر ضروري الان الف تحية الممدوح |
اخي الورور
موضوعك جدا جدا حلو ومفيد واتمنى ان الناس اللي هنا تشاركنا في المناقشه لان نحن اغلب وقتنا في النت وبكره حنسير امهات واباء ولازم نربي اولادنا صح طبعا نحن للاسف اتربينا با الطريقه اللي قلتها...... فكيف نتعلم الطرق الصحيحه الا عن طريق القراءه ولاسف النت ماخد وقتنا اذا مو كله فا اغلبه فلازم ندخل في منتدانا مواضيع تفيدنا مستقبليا....... فجزاك الله خير الورور......... ولي رجعه لمناقشة الموضوع........ على فكره الورور......... فين المناديل>>>>>>مانسيت الشحاته |
تسلمو كلكم
يا اختي اذكرني دووم والله انك صادقة لازم نطرح زي هادي المواضيع بس ما عندك احد....................ترى المناديل في الحفظ والصون |
من ناحية ماعندك احد صدقت والله
بس ان شاء الله يخيب ظننا في هذا الموضوع اما المناديل اللي في الحفظ والصون يابخيل حتنتهي صلاحيتها وانت داسها زي العجزان فا اريحك ما ابيها اشتريت درزن........... |
فين المشاركات يا جماعة؟؟؟؟؟؟؟؟
|
فين مشاركاتكم يا جماعة
|
اشكر طرح الموضوع
وانا من وجهه نظري ان الضرب سبب مشاكل نفسيه وعقد ليس لها اول ولا اخر ويعيش من وراء هذه التربيه في جحيم وعذاب لاعدمناك |
تسلمي اختي جثة البنات على مرورك وتشريفك للموضوع
خلينا نشوفك |
| الساعة الآن 05:08 PM. |