في احد يقدر يكمل؟
 

السلام عليكم

مرحببكم جميعا
هلا بمنتدانا الحبيب و باهلو الحلوين

طبعا كلنا عارفين انو التقدم بضم التاء و القاف ريحنا كتير وخلى حياتنا احسن من اول بكتير.

انا ما اقدر افتيكم كتير في هدي الحتة لاني ببساطة مني شيبة بس في فروقات بسيطة جدا عن اوائل التسعينات واواخر التمانينات من جهة والايام المعاصرة من جهة تانية.

انا بحكم من اني من مواليد جدة سنة 1983 و ترعرت فيها و عايشت احلى ايام الطفولة ملاحظ الفروقات الكتيرة بين جيل طفولتنا و الجيل المسكين الحالي.

اهم فرق انو وسائل الترفيه الحالية خلت الاطفال يبعدو شوية عن بعض و خلت كل واحد مستكين (ترى هدي كلة حجازية معناها يعني يجلس في البيت) في البيت و ما يحتك بالاطفال ديك الدرجة لانو ببساطة عندو بلاي ستيشن والدش و الانترنت وووو.

اما الالعاب الجماعية اللي كنا نلعبها زمان فتقريبا اتجهت الى الصفر الا ما ندر.

تخيلو انو مرة من المرات تجمعت عيلتنا مع ستي (يعني جدتي لغير الجداويين)وجمعت الاطفال الصغار عشان يلعبو كيرم (لعبة طاولة) وللاسف الشديد ما عجبتهم هدي اللعبة لانو ببساطة فيها اجتماع يعني الزبدة من كل الهرج هدا انو وسائل الترفيه الحالية خلت الاطفال يصيرو انطوائيين شوية.

طيب يا جماعة بعضكم حيقولو احنا ايش دخلنا خصوصا العزابية الغلابة اللي زي حالاتي؟
يا جماعة حتى الكلام هدا ينطبق تقريبا على عالم الشباب و اظن البنات كمان.

طبعا البنات انا ما ىاقدر افتي اتمنى انو اي وحدة تستلم المكرفون بدالي و تقول رايها في الموضوع.

هدا كل اللي عندي و خير الختام السلام عليكم

بالعكس انا أقول ان وسائل الترفيه للأطفال في هذا الوقت كثيرهـ وخاصه عندكم في جدة ولكن في المناطق الريفيه ممكن وسائل الترفيه قليله والمهم من الموضوع ان الانطوائيه ليست من قلة الترفيه وانما من بعد الوالدين عن الابناء !

لسلام عليكم

الاخ فهودي مشكور على الرد وربنا ان شاء الله يعطيك الف عافية

ها في احد يتكرم ويدينا رايه؟؟؟؟