منتديات الـــود - قصيده ((((الخمسه وخمسين)))) ؟؟؟؟؟؟؟؟؟؟؟؟

[poet font="Simplified Arabic,5,white,bold,normal" bkcolor="transparent" bkimage="backgrounds/15.gif" border="none,4,gray" type=0 line=200% align=center use=ex length=0 char="" num="0,black" filter=" glow(color=burlywood,strength=7)"]
سميت بأسم اللي خلقنا من الطين = الواحد المعبود لنس(ن) وجني
اللي خلق خلقه وكونه بحرفين = جزل العطايا ما بفضله يمـني
ومن بعد ذكره جبت عدل الموازين = من ضامر(ن) في سط جاشي يكني
ياجى مجاله نصخره ناخذ الزين = ونرمي هزيله دون شور(ن) ومني
الله من قلب غدا به شواطين = دلن يد كن به وبيح بوني
باسباب ناس عن دياره مقفين = قفوا وخلوني و خابوا بضني
اقفوا مني ولادري على يمه الوين = مدري شمال اوغرب زادوابجني
شدوا وخلوني انا ودمعه العين = اجاذب العبرات وازعج بوني
معهم غزال يشبه ا لبدر با لزين = عوده طري زملوق وسم شطني
اقفى مني وخلاني اجر تسعين = مع مثلهن تسعين ون(ن) بوني
ونه خلوج ضيعوها المراعيين = تندب حواره وليت لو هو يحني
الصاحب اللي في طواريه ماشين = اللي حرم عيني منامه فتني
ماشفت مثله في جميع المزايين = مع بدوهم والحضر والمستكني
واليوم ضيعته ولامن يقدين = ضيعت انا اخباره وهوضاع مـني
من زود مابي جبت خمسه وخمسين = هجن هجاهيج شحمهن مكني
خمس(ن) نصن حايل ديارالكريمين = تنشدن في وسطهاما لقـني
وخمس(ن) تمسن في بريده معاطين = والصبح دكن ولابعد حصلني
وخمس(ن) تنحن للنفود ابراهين = خذن لهن ايام وهن يدلجـني
وخمس(ن) نصن دار العلا به منادين = بأسمه ولاكن مامن احد لهني
وخمس(ن) بوسط العاصمه با لميادين = ثلاث اسابيع ولي عـودني
وخمس(ن) تنحن يم دار الشريفـين = في وسط طيبه دوجن ورجعني
وخمس(ن) لجده وجهوهن نبيهين = به دوجن واللي نبي مالقـني
وخمس(ن) على الطايف ومكه سبوعين = داجن وراجن وادلجن وهضلني
وخمس(ن) عليهن للقريات مقفين = وعاد(ن) مثل ما قبلهن عودني
وخمس(ن) على تيماء ولا من مجيبين = تنشدن ولابالخبرعلمني
وخمس(ن) على سكاكا وعرعر مقيمين = وايست من شفت الركايب لفني
وتكاملن مرسلت خمسه وخمسين = ولامنهن اللي بالغضي بشرني
وزادة همومي والخلايق تعزين = والكل يعرض شوربلا تـوني
قلت اتركوني غيرها مايسلين = لوهي خذة عشرين مع مثلهني
ابرجيه يامى يجي من يعـزين = والا يجيني صاحبي يخف عني
ودنيت انامن عقبهن عشر وثنين = من نوع فكس مزودالفن فني
وجهتهن مع غيبه الشمس مقفين = مجهزات لسفر حركني
اربع تنحن يم دار البساتين = يم الخليج ودورن ونشدني
وثلاث يم الشرق بالمشي عجلين = يم الحفر ومنه بعد فوتني
وثلاث شدن والدبل حط بثين = وراحن مع البدوان يستنشدني
وعاد لي العشره بليا براهين = وحطيت انا الرجوا بلي مالفني
اثنين شدن يم رفحاء مشيلين = شدن مني ونور الخطر ولعني
خذن بها اربع ليالي مقيمين = داجن شوارعها وسوقه لفني
وسمعوا لها طريا وحطوا نياشين = وتوكدوا قبل يخيبون ضني
توكدوا ان الولايف مقيمين = وساعه لفني بصاحبي بشرني
فزيت به ساعه لفوني مهنين = من فرحتي كني مخطوف جني
ياعل من جاب الخبر بداعج العين = في جنه الفردوس فيها متثني
وايقنت ما نطرد ورا ناس مقفين = ساعه لفيته قال وين انت عني
قلت البطى يازين ادري انا شين = لاشك ما تدري بلي صارمني
قام يتعذر قلت يازين عافين = خطاك معفي بس اناارجوك حني
قال اعدك ميقال كأ لناس مقفين = هذا عهد من واحد فيك جني
تمه وصلوا عد ما قالوا آمين = على محمد كل من سمع مني

وتقبلوا
تحيات
اخوكم 000
سراب الراحل
[/poet]