هيضني البارق
 

[poet font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
هيضني البارق اللي لاح وقت الغروب = والغيمة اللي سواد الليل خيّالها
تمشي على مهلها ريمٍ تخاف الهبوب = تخشى يطير الشعر ما يمسكه شالها
حتى اعترضها سنا برقٍ غريرٍ لعوب = يلعب بسيفه يغازل ينوي ازعالها
تركض ويركض وراها مثل ذيبٍ قنوب = ضاقت وصاحت برعدٍ تنخي خيالها
وقامت تعبّر وتصرخ اتعبتها الدروب = لولا البرَد ما تركها البرق في حالها
يا غيمة السعد هلّي واغسلي للذنوب = ياعلّ تصحى ضماير طـال مقيالها
خلّي خيالي يغوص ولا يهاب الغبوب= يرسم امل في شفاه الصمت لاجيالها
اسرج حصان القوافي وانطلق للخطوب = الحرف سيفي وفكري درع باهوالها
متعلقٍ في خيوطٍ من سراب كذوب = يوم امرست وصفقت بي ضاع مدهالها
ابحث عن الفجر الاعرج في صحارا القلوب= يالله دخيلك تلولس بين اسمالها
قررت حبس الخيال وكل فكر مْحسوب = واطلقت خيل الشعر في الحب تجوالها
ياحب وينك ترى في الحب مااقدر اتوب= فالروح تشكي فراقٍ الروح واهمالها
يا زين ذيك الليالي والخواطر تجوب = والحب يجمع شتات قلوب بوصالها
تذوب فيني وانا في شهد ريقك اذوب = واقطف ورودك وفلّك والثم هلالها
البدر يكسف إذا شافك يقول مْحجوب = وتسري نجوم السماء تبكي على اطلالها
وترقص خزامى الصحاري للغزال الطروب= ياليل ياليل طوّل ..غنّي موّالها
ويا فجر ليتك تأخر لين وقت الغروب= فالحب ناره كفايه تسْوي ادلالها
فنجال واحد ينسّيني طريق الجنوب = فنجالٍ ثاني يفك رموز ارسالها
فنجال ثالث اسافر مع خفايا الغيوب = وارجع إلى الفكرة اللي كنت رحّالها
الله على الحب لا منّه سكن في القلوب = يروي عروقٍ ظمايا يحي اوصالها

[/poet]

خيالهااااااااااا

اخووووي الغالي

الطائر المهاجر ...

صح السانك ولاهنت عسى عمرك طويل

تحياتي

اخووووك


عبيد السبيعي

الطائر المهاجر

صح لساااااااانك اخوي يعطيك العافية
قصيدة جميلة
قصيدة معبرة
الف شكر لك
تقبل تحيااااااااااااااااااتي

اخوك متأمل خير

شاعرنا الطاير المهاجر

لاتعليق لدي

لانك الابداع نفسه

كلمات رائعه

من شاعر ولا اروع

تقبل تحياتي

كل الشكر والتقدير لأخي الكريم/ عبيد السبيعي
على كريم وروعة الحضور
لاهنت يالغالي
تقبل أطيب تحياتي

صح لساااااااااااااااااانك
عنووووووووووووووووووووني

السلام عليكم ورحمه الله وبركاته

تحيه طيبه

اخي الفاضل طائر المهاجر

صح السانك مليون 000 ولاهنت

كلمات جميله تداعب المشاعر كنسيم الفجر البارد وهي تداعب أوراق الزهور المتفتحه
لك كل التقدير والاحترام
شكرا إمتاعنا بهذه الرائعه
تقبل من اختك جل التحايا


صافيه القلم