اسوق الرِّجل
 

[poet font="Simplified Arabic,5,white,normal,normal" bkcolor="sienna" bkimage="backgrounds/21.gif" border="ridge,4,skyblue" type=2 line=200% align=center use=ex length=0 char="" num="0,black" filter=""]
اسوق الرجل بالدرب امتعنّي = اسوق الرجل محسب للملامه
على الدرب ومساريّ اتعبنّي = قطعت الشرق مع نجد وتهامه
قضيت العمر كله بالتمنّي = حرمت العين من لذة منامه
اسلي بالشعر نفسي واغنّي = عسى شعري يسليني كلامه
اغني كن ماشيّ(ن) طعنّي = ونار الحب اصابتني سهامه
سبايب من عيونه يفتننّي = ابوخدّن ذبحني فيه شامه
له عيونن كحيله عذبنّي = سلاحه بين غمزه وابتسامه
ابوشعر على الردف امتثنّي = سواد الليل لونه في ظلامه
ووجهن حارْ به فكري وظنّي = كما شمسن تجلت عن غمامه
تحدّنه بنات يذهلنّي = وقام لهن واذهلهن قيامه
غزالٍ ماجفل يوم إجفلنّي = سقاهن مر من عقبه ندامه
وانا عَرْف الغضي من صغر سنّي = عشقته مثل عشق اهل الشهامه
وانا عن شوف زول الزين كنّي = سجين الظلم محكوم انعدامه
في بعده ماقدرت ولاحسبنّي = اعيش اللي بقى لي بالسلامه
[/poet]

اخوي الغالي ...ابو مسلط .... صح الساااااانك

ولاهنت طال عمرك .... وسق الرجل لعنبو الفقر والمعاش الردي ....

ولاهنت يالجزل متألق كعادتك فديتك ...

تحياتي

اخووووك

عبيد السبيعي

ابو مسلط
 

ابو مسلط

سلمت وصح لسانك ودمت ودام عزك وتسلم سالم وغانم ياوجه الخير

والشعر0

ابو مسلط شاعر متمكن يعرف ابجديات الشعر احساس كبير موهبه

قدره كبيره على الصياغه والتعبير0

هنا الشعر 0مزيد من الأ بداع والتألق

اخوك0 نقرة حضوضى

صح بدنك يالسبيعي
والله لايهينك ياطويل العمر.
( ومروركم العزيز) شرف لي.

خالص تحياتي...........
.........اخوك............
ابومسلط.

الاخ العزيز/
نقرة حضوضي.
صح بدنك ياطويل العمر.
والله لايهينك على هالاطراء المحمود.
وابشر بالجديد........ان شاء الله

الاخ العزيز/
متأمل خير. وان شاء الله تكون ونكون في أمل خير
مشكووووووووووووور عظيم الشكر
على مرووووووووووورك الكريم.
تحياتي لك..............................
ابومسلط...............................