|
قصة حُب عربجي وهبله " كما طلبتم "
لا يطووووفكم أروع قصص الحُب والغزل لا يفووووتكم أجمل القصص الرومانسية بين الهبله والعربجي أمحق رومانسية لقاء لطالما ترقبناه جميعاً لقاء (( لا تحسبون إنه من لقاءات الرومانسة )) لقاء من نوووع ثاني لقاء يتبادلون فيه أجمل عبارات الغزل بطريقتهما جاء العربجي بددسنة المكسر وبأنوراه اللي وحده شغاله ووحده مدري ليه مخليها في السيارة لمبه معلقه ما منها فايده هو بس جاء العربجي ولا الهبله ... تسمع صوت سيارة حبيب القلب من قبل اللفه أبووووك يالحُب أصلن الحارة كلها درووو إن العربجي وصل صوت الددسن واصل أخر الدنيا ... فاقع الكنداسه أخينا في الله (( عربجي )) وتنط لك الهبله من فوق السطوووح (( كانت تقزز خلق الله )) ومن فوق السطوح لين البلكونه ومن البلكونه لين فوق القراااش " الطبيله " ومن القرااش للحوووش (( حشى بات وومان )) وتطلع تستقبل حبيب القلب بكم كلمة من اللي يحبها قلبك الهبله : وين كنت يالسربوت يالصايع . العربجي : ابد الله يسلمك لي ... فراره . الهبله : فراره هاه وتخليني هنا منطقة في البيت انت ووجك ما تستحي بس مقيوله وجه بن فهره .. شين وقوي عين وجاي تقولي بعد إنك كنت تفتر العربجي : لا حووووول الله مع هالنشبة . الهبله : انا نشبة يالصايع يالسربوت يالضايع ياللي فيك ما يخطيك . العربجي : يوووه وانا وش اللي مخليني أتحملك انتي ووجهك غير إنك فزعة وسنايديه الهبله : والله إني هبله يوم أفزع لك الشره مو عليك على اللي يفزع معك مره ثانية العربجي : يا بنت الحلال هدي الوضع عطيه خيرررر . ما نقدر على زعلك الله ياخذك (((((( كلام الحُب = من سبك حبك ))))))) العربجي : وش تامرين عليك يا جعل عيني تفقد بصرها إذا ما نفذته لك . الهبله : هالحين تراضيني (( وهي مبوزه طبعاُ )) العربجي : وخر عنه إذا شافها مبوزة ... ياهوووووووه يا زينها زيناه راعيت البرطم المبوز (( باقي ماوصل في قاموسهم الشفة )) الله يرجني رجاً مبرحاً وقاسياً ويخضني خضاً جائراً إذا ما راضيتك =-=-=-=-=-=-=- يتبع =-=-=-=-=-=-=-=-=-= ترى القصة بأخليها مسلسل مدبلج إن كان لها قبول أستمريت .. وإن لم يكن لها قبول ... قطعت البث عنكم *r |
هاهاهاهاهاهاهاي
تسلم ويعطيك العافيه ويرجك رجه مابعدها رجعه على فكره ترى القصه روعه بس حط اسماء للعربجي و وللمهبوله عشان نعيش مع خبالهم |
ههههههههههه
يعطيك العافيه عالموووضوووع روعه تحياتي ريم |
ههههههههههههههههه
اكيد هالقصه من واقعك خخخخخخخخخخخخ <<<<<<<< على بالها انك عربجي كحكحكحكحكحكحكح <<<<ضحكه شماته للعربجي يالله لا تطول بانتظار التتمه |
خلوني أول اتعدل في قعدتي على شان أتعدل في ردي عليكم *5 عنايد الظاهر القصة أثرت على عقليتك مما أنعكس على لسانك يا خوفي تروحين تنشرين القصة بالمدرسه ترى إن أنطردتي ماني مسعووووووول الله يعافيك ويسلمك ولك كل الشكر على مرورك الكريم أما من ناحية الأسماء ... ففضلت أن أتركها مُبهمه حتى يتخيل القاريء من الأسماء ما يُريد فهذا هو الهدق من ترك الإسم " رمزي " لو تحبين حطي " الإحساس " *e =-=-=-=-=-=-=-=-=-=-=-=-=-=-= العنـــيده ريم الله يعافيك في إنتظارك طلتك ومتابعتك لبفية القصه يمكن تطلعين بفائده ^_^ =-=-=-=-=-=-=-=-=-=-=-=-=-=-= رزيقه أنتبهي من لسانك ترى للحين ما شفتي واقعك ترى واقعك مفصل تفصيل في القصة الأُخرى *4 والتتمه جايه ... الله لا يعوق بشر ولك شكراً يا مرزوقه على الحضور وتعطير الصفحه بأحلى عطور بسطة أم علي *t |
عاد البهله سمعت هالكلمة اللي هي دايم ترددها له وتتبسم ضاحكه ... والإبتسامة ما تكمل ... عندها سن مكسور ... والسن هذا سلمكم الله إنكسر في مضاربه كانت ليلة الحادي عشر من سبتمبر المهم هي بس ضحكت والعربجي ياخذ الموتر ويخرشه خرش تفحيط قدام بيتها وياهو عطاها عقد وخمساااات لين قالت الددسن بس (( ومناك الددسن ما تشتغل إلا بالدف )) المهم لما تراضي معها في موقف شاعري في راس الشارع قال لها بهالمناسبة لك مني سندويشه فلافل وكاسة شاهي من اللي يحبها قلبك يا عضيدتي الحبيبه ... هنا الفرحه تملكت الهبله .. حتى كادت أن تتشادق من الفرحه (( يا حظها ليتني مكانها )) وتنقز الهبله لحوش بيتهم ... وتنطل (( تاخذ )) العباية وتاخذ الشبشب (( شبشب غوار )) وطرقع طرقع طقرع طرقع والعباه وراها وررررررررر ولا هي في الددسن جالسه ... العربجي : خزها خزه بعويناته ... عوينات واحد حمش ما يخافش ولا يرحم . ((وهذا اللي مخلي الهبله تحبه)) هو بس خزها ... وهي مستانسه تطالع قدام مستنيه الحبيب يعطيها أول ويسمعها النمره الثانية مع اللفة . ولكن هيهات كل أمانيها سرااب جاها ذاك الكووووع على العين ((( الله لا يجعلكم تجربووونه يا رب العالمين )) هو جاها كوووع خلاها ما تدري وين الله رماها .. الهبله : وجع وجع بطنك انت وددسنك هذي .. احمد ربك إني راكبه معك فيها مع ريحتها العربجي : أقول لا تتكلمين على الدسن تراه هو اللي متحمل بلاويك .. واحمدي ربك إني بأخذك افر فيك .. وبعدين ريحت الددسن أبرك من ريحتك أقلها توني مصنج التواير وانتي لك شهرين ما طب الماي على جلدك يالسحليه .. الهبله : طيب ليه تمد يدينك .. انت وضروسك . العربجي : أقول .. الظاهر إنك نسيتي نفسك...أنزلي دفي خلينى أنتع المتور البطارية ضعيفة . الهبله : الله لا يبارك فيك .. وفي هالبطارية اللي قطعت ظهري وان اادف هالسيارة كل يوم متى الله يفرجها وتطلع لك ددسن 85 ((((( لاحظوا الطموووووح ددسن 85 وحن في عام 2003 )) العربجي : أقول لا تقعدين تقرقين على راسي .. الموتر هذا أبدلك وما ابدله شوفي انتي عاد متى الواحد يفتك منك .. إنتي زي البتكس إن لزقتي ما عاد تنفكين ... (( وهالحين ما عاد يقولون إلا لزقة جونسوون )) الهبله : ننزل وأمرنا لله ... والله لأطلعها من عينك وربي . نزلت الهبله وتشد البرقع على وجهها (( مدري كيف ما تنكتم تفكره ستريتش )) هي شدت البرقع وترفع العباه وتحطها على الكتف ... وتقط الشبشب في الحوض . ويا موعين تدف الأولى ... وتقدم رجلها الثانية ... وتدف وتدف ... وتصرخ ... إنتع إنتع العربجي : نتعها لكن ما أشتغلت ... وقال : دفي أقوي . الهبله : الظاهر ما بتشتغل ... خلني ادفها على الريوس أقوى (( أبوك الخبره تلعب دور أكيد )) وتجيي الهبله من قدام السيارة ... وهي حافي وخالتها حاله ... (( طراره مي حبيبه )) المهم العربجي ما سك الطاره ويطالع ورى والهبله تدف .. والهبله وهي تدف كانت تطالع في العربجي وإذا بها تسرح في شنبات العربجي ... وتقول : اغدي كفته على هيك شوارب (( اعقبي يا بنت طلع العرق السوري والله ما نتي هينه )) =-=-=-=-=-=-=-=-=-=-=-=-=-=-=-= >>>>>>>>>>>>>>>> برضووووووه يتبع زي ما تتسدحون تحت المسلسلات المدبلجه أنسجدوا تحت هالقصة أبرك لكم كونوا في الإنتظار والتتمه الإحـــــــــساس |
هههههههههههههههههههههههههههههههههههههههههههههههههه ههههههههههههههههههههههههههههههههههه
مشكور اخي اتفرقعت من الضحك الله ايخليهم الى بعض |
عاد البهله سمعت هالكلمة اللي هي دايم ترددها
0 0 0 شكل نظاراتك موديل 85 خخخخخخخخخخخ بس تدري موضوعك يحمس للمتابعه بننتظرالتتمه ورا العربجي والبهله *q هههههه سي يو |
هههههههههههههههههههههههههههههههههههههههههههههههههه ههههههههههههههه
الله يفرقهم عن بعض |
نجووم السماء العفو وكوني في إنتظار باقي المسلسل *7 سنعووووووود رزيقه يا شين بعض الناس وهم يدققون أركدي أحسن لك ولا بعلم .... بعيارتك *q إذا ما ضحك عليك كل اللي في المنتدى *t see you letr <<<<<<<<<< دليل إني ماني عربجي خايف تلزقون الهبله بظهري *1 بدون زعل ياناس ليه كذا وانا أخوك القط = البس = الهر= القطو = اللي يقول ميااااااو يحب خناقه ومن سبك حبك وصافيه لبن حليب يا قشطه *r |
| الساعة الآن 08:15 PM. |