|
مكالمة هاتفية بين خالد ورغد اخل واس
مكالمة هاتفية بين خالد ورغد اخل واس
((( مكالمة هاتفية بين خالد ورغد ( عن طريق بطاقة سوا ) اسمع الاتصال بعد ماتقرا النص كاملا : اثبتت دراسات واقعية بالمجتمع السعودي تحديدا علاقة بطاقة سوا بارتفاع ضغط الدم واحمرار في العين ودوار شديد بالراس يصاحبة غثيان ينزف منه الجيب المليان تدرون ليه لان هالبطاقات سببت ازمة خانقة جدا من الناحية الاجتماعية والاقتصادية والدينية واقولكم ليه : **** من الناحية الاقتصادية اتحدى واحد الحين عنده بطاقة شحن سوا نقول ب100 ريال وتجلس معه لنهاية الشهر المحدد لها والله اعرف ناس انهم يمكن ماتمر عليه ساعة ونصف الا شحنها مرة ثانية وش يكون حضرته بالله مهم يعني لها الدرجة والا بمفهموم شعبي متعارف عليه ( خبل ستار ) على وزن سوبر ستار والله بعضهم يعطون الشحن الاولوية في كل الظروف حتى لو على حساب صحتهم او ملبسهم او ....... امثلة كثيرة ***** من الناحية الاجتماعية : نقول ايش ونتر ك ايش عد واغلط ياجماعة حتى الطفل الصغير عندة جوال وبطاقة سوا يعني اللي عمرة خمس سنوات وغيرة وش يبي فيه هي بطرة يعني ولا اهلة مالقوا مكان يحطون فيه الفلوس من كثرتها والله بعضهم الدين راكبهم من راسهم لساسهم وتلاقي ولدة يتلوى عليه مثل الثعبان ومايتركه الى ان يلدغ جيبة ويطلع قريشات الجوال ايضا يسبب مشكلة كبيرة في الا تصالات ياجماعة ماقدروا على حل الشبكة المشغل دايم في الجوال العادي جابوا لنا خدمة جديدة اعتقد انها نقمة واعتقد انه يجي اليوم اللي راح يعطون فيه الجوال للطفل الرضيع كفيتامين بديلا عن السيريلاك بالقمح وياخوفي بعد فترة يظهر سيريلاك سوا جايز لي لا **** من الناحية الدينية : للاسف الشديد والله كثر الفساد بوجود هالبطاقات وكثروا الخبلان يعني اصبح هناك تعارف اكثر من قبل الشاب والفتاه واذا انتهت بطاقة أي واحد فيهم يستغل الثاني بكلام رومانسي يعني مثلا : ( مكالمة هاتفية عن طريق بطاقة سوا بين خالد ورغد ) هذا مثال ياجماعة بس للتاكيد على كلامي : رغد : الومرحبا خلودي خالد : الو: هلا عمري وروحي رغودي رغد : اشتقت لك ياحياتي وينك تصدق كأن لي عنك سنه ماسمعت صوتك !!!! خالد : اش دعوى رغودي قبل ربع ساعة كلمتك لها الدرجة مشتاقة لي !!!! رغد : واكثر بعد ياحبي مستكثر علي اسمع صوتك الحلو خالد : انا صوتي حلو اجل صوتك انتي وش اقول عنه ياعسل رغد : خلودي احبك احبك وابيك تشحن لي بطاقتي تصدق خلصت اخذها اخوي شوي واختي شوي وامي شوي الين انتهت ومااستفدت منها يالله ياعمري ابيك تشتريها وتعطيني رقم الشحن اوكية ياروحي ( وهو المسكين نايم في العسل )؟؟؟؟؟ خالد : رغودي بس امس شاحن لك البطاقة وتعرفين ان فلوسها تسلفتها من زميلي وصعب اني اتسلف منه مرة ثانية محرج منه رغد : اوه لها الدرجة مب غالية عندك عموما خلاص انا اسفة اني كلمتك وحبيتك يالله باي خالد : لحظة ياعمري وين بتروحي لها الدرجة زعلتي مني انا مقدر على زعلك خلاص ابروح ادبر نفسي حتى لو بعت سيارتي اهم شي رضاك ياحياتي بس لاتزعلي رغد : بس كلامك يزعل ليه شايفني اشحت منك هذا جزاي اني تعودت على صوتك وابي اكون قريبة منك خالد : ياحياتي ماتوقعت اني غالي عندك لها الدرجة خلاص شوي راح اعطيك رقم الشحن باي ياحياتي رغد : خلاص منتظرتك ولاتتصل الا والبطاقة معك اوكي باي خلودي احبك انتهت المكالمة التلفونية على اساس ان خلودي راح يتسلف ويعطي رغد رقم الشحن !!!!!!!!!!!!!!!!!!! *** والله هذا الشي حاصل لدرجة ان واحد شحن لحبيبته اللي حبها بس بالصوت !!! ( 18 بطاقة ) اقسم ان هذا اللي صار وهو عليه ديون كثيرة وفوق هذا متزوج وعنده عيال !!!! وش رايكم ياجماعة هذا مانقدر نقول عليه ( خبل ستار ) مع مرتبة الشرف الاولى ويستحق جائزة نوبل للهبلان ....... هذا نموذج فقط لما فعلته بطاقات سوا في حال شباب مجتمعنا وكذلك العكس بالنسبة للبنت في طريقة الحوار للمكالمات الهاتفية ارجو منكم الا تفهموا كلامي غلط بس قصدت اني اوضح الصورة انه مب كل شبابنا شينين لا والله بل العكس بعضهم تاج فوق الراس ينحطون بادبهم واخلاقهم العالية ((( فاصلة ))) ربما يكون الحب اقوى من كل شي كل شي ولكن لابد ان يكون مبني على الشفافية والصراحة لا على ( المصالح ) من بين الطرفين *** اتمنى ان اكون قد سلطت الضوء على شي له الاثر في مجتمعنا ولكن اتمنى اتمنى ان : ((((((((((( ارى ردودكم على هالموضوع )))) سواء كان بالتاييد او بالمعارضة واختلاف الرأي لايفسد للود قضية ولكم حبي ,,,,,,, |
مرحبا نجوم السماء
عين العقــل هذا هو الحاصل التعارف عن طريق بطاقات سوا ها هيه ياكثرهااا بس انقوولك موقف حصل لواحد قريب لي متزوج ولا يعرف بطاقه سوا00 اتصلت عليه وحده تتميع وتدلــع بحكم ان رقم رســمي طبع واكثر الي يطرون البطاقات سوا يتصلون علي الي ارقامهم رسميه وحلوه ومرتبه نقوول المهم كيف الحال وش اخبار 000 ومن هذا القبيل من معي : ماعرفتني ؟ لاوالله وتخبرون بعض الرجاجيل الله يهديهم اذ سمع صوت البنت داخ المهم بعد التمايع والدلـــع قالها يااختي وش تبين اخلصي انا ماني فاضي قالتله البنت شكلك في السوق قالها ايه نعم انا في السوق وش تبين قالت ابي اممممممممممممم بطاقه سوا قال ايش بطاقه سوا وش هذي البطاقه قالت البنت روح لاقرب محل اتصالات وقول له عندك بطاقه سوا وهو يعطيك طبعا اتصل علي وقالي ايش بطاقه سووا هذا ؟ قلتله ليه وش تبيبها قالي ماادري فيه بنت اتصلت علي وقالت ابي بطاقه سوا؟؟ قلتله ايه لاتهمك بس المهم صرفها الرجال ومعاد رد عليها لدرجه انه اذ اتصلته عليه يعطي السواق علي شان يرد عليها ويصرفها والله بنات مايستحون 000000 تحياتي لكم ليل المشاعر |
السلام عليكم ورحمة الله وبركاته نجوم السماء هلاااا بك أخي الغالي وأشكرك على المشاركة....! أخي لا أعرف ما هوا مقياس الحب والذي تحكي عنه أخي النظرة السليمة لكل شي ناجح هوا تحكيم العقل ليس هناك ذنب للبطاقات.. أو لمن تستغل من كان ناقص عقل للأسف أخي الحب أسما من بطاقات سواء ومن شحنها أي حب يربط نفسه بأي مطالب هذا لا يسما حب بل أي اسم غير الحب,, الحب ارقي من الاستغلال الحب عطاء صادق ولكن عطاء مشاعر وأحاسيس ليس مال وبطاقات وما كان أولها بطاقة سواء كان آخرة جوال الفصلية هذا نصب ليس حب والحب برئ من كل هذه التصرفات الشاذة....! ========== نعم أنا معك من ناحية الأطفال فهذي ظاهرة غريبة وغير سليمة وخصوص البنات بذات أما من ناحية الحب فهذا ليس حب بل سرقه وقلت عقل ...... تحياتي النورس |
موضوع جدا رائع والله معاك حق في الكلام الي قلته الله يعين صاحبين البطايق
تحياتي........ |
| الساعة الآن 07:21 PM. |