منتديات الـــود - انت نذل !!!!!!!!! ادخل وتاكد ؟؟؟؟؟؟

السلاام عليكم ورحمة الله وبركاته,,,,,,,,,,,,,,,

من زمان عن هالوجيه السفرة <===== سفرة وإلا سماط !!

المهم وباختصار لاتشرهون كانكم شفتوا دمي ثقيل لأني منقطع عن المواضيع المسفهلة
ماودي أطول عليكم !! وامثل يقول (( يابخت من زار وخفف ))
من منكم سأل نفسه في يوم من المرات السؤال الصعب :

هل هو نــــــــــذل ؟!!!

فيه أحد منكم سأل نفسه ؟!!

وإذا فيه أحد سأل نفسه .... هل فيه أحد مكم جاوبته نفسه ؟!!

وإذا فيه أحد منكم جاوبته نفسه ... هل صدق نفسه وإلا لا ؟!!

عموما فيه مواقف محرجة تصير وتخلي الواحد كأنه قدام اختبار حقيقي لنفسه وأخلاقه ومدى مثاليته ومدى واقعيته !!

عندي هنا عدة مواقف أبغى كل واحد يبغى يكتشف نفسه يحط نفسه فيها ويقول وش كان يبي يسوي لو صار له هالموقف ؟!!

أهم شئ ياشباب الصراحة !!

يعني بــــــلا .......... نصب !!

الموقـــــــــــــــــف الأول :

أنت راكب بالطيارة ومعك أعز إنسان على قلبك ( دون تحديد شخص معين ) وفجأة اشتغل مقرفون الطيار وسمعته يصيح ويقول : السادة الركاب .... الهجة !! الطيارة طايحة طايحة !! لاأعرفكم ولاتعرفوني !! وكل واحد يدبر عمره !!

طبعا لقيت الناس يطامرون مع هالدرايش وكل واحد معه ( براشوت ) ويوم جيت تطب اكتشفت إن الشخص اللي هو أعز إنسان على قلبك ......... مامعه ( براشوت ) !!! وش تسوي إذا ماعلمت أن لكل براشوت قوة احتمال لشخص واحد فقططططططططططط ؟!!

الموقـــــــــــــــــف الثاني :

شخص غثيث و... بثر !!

مايخلي موقف إلا ويسيء لك !!

ومايخلي فرصة إلا يخطي عليك !!

ومايخلي مجلس إلا ويتكلم عليك !!

ومرتن من المراريت كنت تمشي ولقيت ثلاثة من وزن ( الفيل ) جالسين ( يمردغون ) في هالشخص !!

وفجأة شافك هالشخص واستفزع بك وقال : تكفى يافلان !!

وش تسوي ؟!!!!!!!!!

الموقــــــــــــــــــف الثالث :

واحد عزيز على قلبك اضطريت مرة إنك ( تتسلف ) سيارته وتروح فيها مشوار ولكن لسوء حظك صدمت بسيارته صدمة تبي تكلف ( 500 ريال ) !! يوم جيت تعطيه خمسمية ريال صاح فيك وقال : والله ماآخذ ولاريال !! ياأخي أنا تكفيني سلامتك والحديد كيفه !!

المشكلة ماهيب هنا !!

المشكلة إنه بعد فترة اضطر خويك نفسه إنه يستعير سيارتك لمشوار قريب وبهالمشوار صدم بسيارتك صدمة تبي تكلف ( 10000 ريال ) !!

وش تسوي ؟!!!!

الموقــــــــــــــــــف الرابع :

معك شخص غالي بالسيارة بين الحياة والموت !! وياتلحق ياماتلحق !! وسافط طبلون السيارة ومتجه لأقرب إسعاف !! وبالطريق ومع سرعتك الجنونية تفاجأت بشخص قدامك ماقدرت إنك تتفاداه !! للأسف دعسته !!

قدامك حلين :

إما إنك توقف وتشيله ومع هالزحمة يبي يروح عليك الوقت وبالتالي يبي يروح عليك الشخص الغالي اللي معك !!

أو إنك ( تطنش ) وتكمل طريقك إنقاذ الشخص اللي معك !!

وش تبي تسوي ؟!!!!

قل لي وشلون تتصرف في هالمواقف وأنا أقول لك :

أنت نذل !!

وإلا لا !!

والزعل ممنوع والعتب مرفوع
*r *r *r *r

ا ل م ز ي و ن 9 9 9

المزيون 999*2 *2 *2 *2