|
(مخالفة سُجلت ظلماً وعدواً)
السلام عليكم ورحمة الله وبركاته...
انا سوف اتكلم بصراحة وبدون تردد. في يوم من الايام الساعة الثامنة صباحا خرجت بسيارتي ابغى اشتري فطور خرجت من الحارة اللي انا ساكن فيها الى شارع فرعي . واول ما دخلت الاخ مستنيني بأول الشارع وقفني وقال (رخصة واستمارة قوام) قلت يمكن تفتيش طلعت اوراقي قام الاخ وطلع بوك القسائم يبي يسجل مخالفة سألته ليش رد علي: (ليش تقطع الاشارة) قلت اي اشارة قال (اشارة الثلاثين اللي قدامك) انا يومها ضربت فيوزاتي ووصل الامبير عندي اتش بس استعدت هدوئي على امل ان يظهر الحق . قمت وقلت له يا شيخ انظر انا من وين جاي انا جاي من حارة الى حارة يعني لا مريت على شارع عام ولا اشارةوحتى لو اني كنت في نفس الشارع ترى مدخل الشارع الفرعي قبل الاشارة يعني لا يمكن اني اكون مريت من عند الاشارة نهائياً . قال انا ما عندي كلام شف الرقيب كان ماشي وراك وبلغ عليك . بس انا راح اخدمك بشغلة واحدة راح اسجل القسيمة عندي قطع اشارة وعندك حزام عشان تخف التكلفة . قلت طيب انا وش ذنبي اخذ مخالفة على شيء ما صار قال والله ما اقدر اسوي لك شيء . على العموم ما اطول بس عندي سؤال بس من المسؤول عن اللي صار ؟ انا الحين انظلمت بس من يحمي غيري مما جرى علي ؟ هذا قصة من بين قصص ومواقف كثيرة مع رجال المرور وياما في السجن مظاليم ... |
اخوي فـــ عزيز ــاقد
اخوي فـــ عزيز ــاقد الشكو لله
ياما وياما غيرك كثير , وانا واحد منهم لكن الشكو على غير الله مذله حسبي الله ونعم الوكيل اخوك / الطفل البرئ |
السلام عليكم ورحمته الله وبركاته
اخي الفاضل فـــ عزيز ــاقد ان الخطا ليس في الموقف الذي مر بك فمن وجه نظري ان الخطا كان من السابق وهوياخي الفاضل نحن مجتمع اعتاد على عده تقاليد وكان من اهمها وهي الواسطه المرض االمزمن بين اطراف مجتمعنا فدعنا ندخل الى عالم ذلك الشخص الذي حرر تلك المخالفه فربما انه لا يحمل التاهيل الذي يجعله يقف كرجل مرور ولعبت الواسطه دورها او تجد انه انسان مسكين لم يفهم الانظمه التى يعمل بها وهذه مصيبه اوتجد الشخص المسؤل عنه قد وعده بوعد عندما ينها الدفتر الذي بعهد ته او تجد انه لم يكن مزاجه رايق فقرر تعسفا ان يبتلى الماره وذلك لعدم تقديره لواجبه اوتجد انه مغلوب على امره من الرقيب الذي بلغ عنك في النهايه سوف تجد تلك المخالفه قد سجلت عليك بس تبي تسمع نصيحتى دورلك واحد على الكمبيوتر الخاص بالمخالفات وخله يحذفها اويغيره رقم الحاسب الالى حقك الى في القسيمه وتتحول القسيمه على حرمه وتكون قاطعه اشاره على رجليها والا مورابطه حزام الامان بس اهم شي ان معها رخصه ويجيك الضحك 000000000000 في النهايه اخوى الغالي لا تزعل نفسك ترى الدعوه هذه عادى وسو الى قلتلك وخلك مع الواسطه فوق النظام والا ترى بتروح فيها |
اخوي الشكوى لله مثل مقالووولك
والي يشوف ويسمع بلاوي الناس تهون عليه مصيبته وبلواه اخوي انت تعرف اننا هنا بالسعوديه الحريم مابيسوقوا (((صوووووح؟؟؟9))) طيب... والي يروح ويلاقي مسجله على زوجته اوبنته مخالفه قطع اشاره!!!!!! وش تسميــــــــه؟؟؟ ههههههه والله ماامزح بس هذا كلام الجرايد وصارت بالحقيقه... لا وازيدك من الشعر بيت.... اجباري يدفعونهم المخالفه.....من قلك تعطيها تقطع الاشاره هههه تحياتي والله يعيننا ويعين كل مظلوم ويفضح كل ظالـــــــــــــــــــــــــــــم |
اختي( عذوب )
اختي عذوب , والله العظيم كلامك في محله
والله والله والله فيه واحد حصل مخالفه على الخادمه لان المخالفه سجلت برقم الهويه , وكتبت خطأ بس هااااااااااااااااه هو اللى دفع المخالفه ,,,هههههههههههه اخوك / الطفل البرئ |
عذوب ياخي يمكن الســيارة تكون بأسم امراة عادي يعني الحريم مايشترون سيارات ويستقدمون سواقين وتكون السيارة بأسمها ؟ اولا اخوي اخاف انــك قاطعها بس وانت ماتدري او انك نايم وانت تسووق ترى الواحد يخطي بس اذ كان هذا لم يحصل فهذي اقرب الحلول عندما تأخذ مخالفه وانت مظلــوم 0000 الغلـط منك انت ليش توقــف طالما انه يمشي علي رجليه ومافيه الاهو في الشــارع حط رجــلك ومايشوف الاغبـــار موترك 00 ثانيــا : يوم قالك انك انت قاطع الاشــارة قله اي اشاره واذ قالك هذي ومافيه وانت ماقطعتها طلع الجوال وقله طيب انا اوريــك ليش الظلـم هذا صدقني علي طول يعطيك الاستمارة والرخــصه 00 في احلي من هذا التصـــرف في حاله عندما تكون مظــلوم بس تحياتي لك ليل المشــاعر |
| الساعة الآن 10:33 AM. |