إخواني هذه المشاركة ... هي تسلسل لإحداث لم يكتب لها السكون بعد ....


وكلي أمل أن تنال منكم ربع مانالته مني ...


( آخر )



بداية .......


أمسيت حبر(ن) فوق الأوراق معروض
واصبـحت حلم(ن) يفهق الليل عنـي !!

ابكيك ليل(ن) يشبه الفرض مفرووض ..
وامـسحك دمع(ن) يقطف الورد.. مني

7



7


7

ناديت ياوجدي عسى ماهو العــووض ..
زلات رجل(ن) في طريقــــه .. رمنـّي !!



ماسبق كان مدخل :

لحزن منتظر ...



تعالوا هنا ...سأصحبكم بضع دقائق ...



7


7

7

الثقة :

عندي ثقه تاصل الى حد السما ما تستريح ..
مدام عمرك عايشه بفكارك المتصادمة !!

هذي الحقيقه والحقيقه تسلك النهج الصحيح ..
سلطان قوم !! وماااايلد العين يم ... الخادمة !!

مسلم وأصلي واطلب الله يخذل اعوان المسيـح ..
سبحانك الله يا معز ويا مــذل .. آوااادمه !!

وتدري انا افضل علاج إلصاحب القلب الجريح ..
لنْي انا لا قلت انا يعني الحياه القـــادمة ..


وأعوذ بالله من كلمة ( أنا ) ..

لكنها أتت هكذا .. ودونما مبرر ..



وهنا

7








7

وهنا


أشياء تبعثرت ...


وفاحت بعبق جرحي القادم .......



جيتك، وجابتني طعون الوقت، وآلام النصيب .......
جيتك، وفي عيني رماد الحلم، ودموع الوداع

وقتي عصيب، ومن سواك أنصاه؟ بالوقت العصيب ......
لا اشتدّ مابيني وبين أيّامي السود النزاع

غريب، وأشعر بالضياع، وكلّ ماحولي غـــريب ......
وأقسى شعور يداهم العاشق، شعوره بالضيـاع !!

تايه، ولا عاد آعرف، فرق الشروق امن المغيب ......
ما عاد لمغيب الضيا نكهه، ولشروقه شعـاااااع

إذكر لضاق -من الفراق- بعينك الكووون الرحيب .......

إن
ذي
نهاية
كل
وصل
...
وخاتمة
كل إجتماع


واليا دروا بحكايتي وحكايتك، لا تسترررريب .....
مخلص، ولكن حكمة الأيّام أوامرها تُطاع

سرٍّ درا فيه الحزن، والشوق، والجرررح ( العطيب ) ...
بيشيع، لانّ السرّ لامن جاوز الأثنين شاع

تعال، واسمع نبض قلبٍ ما لقا من يتسجيــب .....
تعال، ابشبع من جدايلْك، ونواظرْك الوساع

خذني بديك، وضمّني، بآحضر فآعماقك وأغيــب .....
عن كلّ ما فالكون من بسمات، وأصحاب، ومتاع

يالذرب

ياكنز البهى

يالحسن

يالغصن الرطيب !!

..

ياللي حويت أغلى التفاصيل، وجمعت أحلى الطباع !!


يا مخلّي جروحي قبل وصلك، بعد وصلك تطيب ....
ياللي إستطعت اتزيل من لوجاع ما لا (( يستطاع )) ....


والباقي لي ؟!!!



والمنطق غبي !!!

لماذا ...؟!


في كل صفحات الزمن دورت للمنطق مجـــااااال ....
واثر الحقيقه غامضه والوقت بالمنطق غبي

يمكن عدل يمكن خطا يمكن تجي يمكن محااااااال ....
مره هنا مره هنا عجزت احقـــــق مطلـــبي ..!!

ماني ردي رجال قانوني على سلم .. ( الرجال ) ....
شايل مقادير العنى والجذع ما شال أقربــــــي !!

ياوقت بالمنطق غبي لكن انا عندي سؤال ؟؟!
غير انهزامي والصدف بالله قلي وشتبي !!


..




ولأن لجرير والفرزدق كلمات مضيئة في سماء أدبنا العربي


حاولت بل أحدث مشكلة بينهما ...

ربما لأنني أحتاج احياناً لما يعكر صفوي ..!!



جرير والفرزدق !! .. والموقف محسوم بردة فعل حتما ً قوية !!


7

7

يالفـرزدق ماتأثـر لـو تحكّـى فـي جريـر !!
ردة الفعـل الضعيـفـه ماتـأثـر بالـقـوي

والله ان القلب جـرّه للشعـر سلـك الحريـر !!
لو سكت اسمع بيوتـي ذيبهـا يعـوي عوي !!

لو سكت إعرف تراني مرسـلٍ صوبـك نذير !!
والمعاني بالشعر مثل الحبـل تطـوى طووي !!

لاتعذرب بالجبـال الشامخـه وانتـه ..صغير !!
وانتبه تآطى على حفـرة جمـر ثـم تهـوي ...

يالوفي لازلت اقول انـك وفـي خلّـك كبيـــــر ..
قبل لاتآصـل مشاهيـب ومطاريـق وكــــوووي !!

بيتنا ساسه حديد ان كان ساسك مـن حصيـر !!
بالمواقـف لازعلنـا يستـدل اللـي يـغـووووي

ياعميلي من هـرج بالشاتلـه مافيـه ( خير ) !!
ولاهرج
بالملتوووي !!

ياكود رجل ٍ ملتوي !!


..

خابرك في هرجة العرقوب اميـرٍ ولـد اميـر !!
بـس قـدّام الحقـوق الطايلـه تثـوي ثـوووي


هل تعلم ؟؟

إن هذا الطبع


من طبع الحقير !!

يعني

( نذل ابلهجتي ... وبإسكندري .. ( سافل أووي !! ) )



انتبه ماكـل طيـرٍ فـي سمـا جـوي يطيـــــــــر ...!!
الورق يبغى قلم .. والخوي .. يبغى خوووي !!

وانتبه من حدة السيـف القطوعـه يالحريــــر .!!
وكيف يدك ياطليبي قبل ( لاتلوى لوووووي )

والختام أنصت عسى الرآس العمى يصبح بصير ...
خذ علومي !! والدوى بالعرف .. آخره ( الكوي )




لقد تذكرت شيئاً قبل أن أنصرف ....

ياعين نامي والسهر عنك خليه ...
ماهوب فرض ٍ لاعشقتي سهرتي ...

حلو الكرى ياعين طابت لياليـــه ...
حلت عليك أيامها ما انتظرتــــي !!





إخواني ... إن هذا العبث الموضح هويته بعاليه ... ماهو الا نتاج لمسيرة يسيرة من القفز على ضفاف الأيام ...


وكل يوم توقع أن تتقوقع في ذاتك !!

فتصبح درة لكن متقوقعة !!





الى هذيان آخر .. لكم من آخر ... أحر التحايا ...


آخـــــــر !!