منتديات الـــود - ][ العنــــز المفتـــــــرس ][

سلخييييييييييييير شباب كيفكون شخباركون 000 يامرحبا فيكم فردا فردا

نكا نكا خشتا خششه0

البوضوع ومافيه

<<<<<<< يقول البوضوع يعني افهموا تراي مزكككم

في مره من المرارير لما كنت صغير( في سجع تحس اني شاعر) قال ابوي نبي نسير على جيرانن لنا مبطينن

عنهم وجلسنا نحن العائله الكريمه جلستا تشاوريه علشان يعني نحدد الوقت 0

فقال الوالد شوفو نمشي بعد بكره افضل المغرب

<<<<<<<< في ناس تسير المغرب 000 مسيار هنادوه

المهم اتفقواعلى المشيه وانا كنت قاعد بينهم يعني اسكت عنصر مؤثر بالجلسه

والله معطيني خااااامس مو صاحي 00 كان كل همي البليستيشن عند المصلح وتطلع بعد

يومين ومدري شلون اروح آخذها وحنا نبي نسير00 والمشكله انني ناوي امردغ

ابو صماااخ خالد بالبليستيشن وقاهرني 00 لانه بصراحه دايم لما نلعب

ما يمعطني الا بالخمسات والتسعات 0

<<<<<<< شاري البليستيشن وهو اكثر واحد يخسر فيها

المهم مدري وش اسوي 000 طلعت براي للشايب قلت يبا وشرايك انا عندي اقتراح

نخلي المشيه بعد اسبوع هذا رأيي بالقضيه يبا 000 قال ابوي تلايص لا اهفك بالملقاط

عاد عندنا ملقاط الله لا يوريكم حق فحم وربي انه اكبر من الشيول حق الحفر

بصراحه بلعت العافيه قلت يروح مابعدك روح 00 انثبر ابرك لي

بعد بكره مشينا 000 قبل المغرب بشوي ركبنا السياره عن يميني اخوي عبدالله

وعن يساري راكان وكل واحد الله يجيركم رجله هالمتن الرجل الوحده تعادل

ورع ابو 8 سنين 000 وتخيلوا نمشي مسافة 20 كيلوا كذا 00

المهم لما وصلنا الربع انا ما قدرت احتسي الا بعد ساعه لان القفص الصدري حقي

منظك عل بعضه 00وكنت لازق بعبدالله لانه الاكثر متانه من راكان وما فكوني منه لين

جابو مفتاح 15 + ابو جلمبو وما حار يالله فكوني منه 00

نزلنا وجلسنا مع ربعنا وهات يا دق حنك وحشششش بخلق الله وسوالف قديمه

تمغص التسبد 000 انا لاعت تسبدي قلت اروح للمطبخ آكل لي لقمه

المهم دخلت المطبخ كان مظلم واول مره ادخله قمت اتخممش مدر وين انا فيه

لمست لي شيء املس !!! قلت بس هذي اكيد الثلاجه 000 وانا اتلللها بيدي

اثاريني الله يجيركم سحبت كبت المواعين 000 وعينك ماتشوف الا النور

مافي صحن الا وتكسر على راسي 00 وماظل قلاص الا وتمخطر على صوابري

جووك الناس يركضون على الصوت المفاجيء هذا 00 لقوني متمغط تحت أواني منزليه

قالت وحده من الحريم وش فيك وش فيك ؟؟!!! عاد انا انحرجت كانت عندهم بنت

وكنت اتودد لها بصراحه 00 يعني في عواطف متبادله بيننا وشكلي بايخ وانا

متمغط تحت هالمواعين 000قلت لها بس خثعت بقرطاس هذا اللي حصل بس

البنت كانت واقفه بالخلف ومتلثمه وتضحك 000 انا استانست قلت مادام اعجبها الوضع

اجل بكره بهد البيت كله علي 0

المهم انتهت المشكله وتأخر الوقت بالليل الى حوالي الساعه 3 تقريبا

وفي عندهم عجوز هذي نسميها وكالة الــ cnn مافي خبر والا قصه الا وعندها خبر منها

يعني وزارة الاعلام للمنطقه 000 المهم جلسنا عندها وقامت تسولف لنا عن قصة

عنز تحولت لوحش وكنا خمسه نتابع القصه من ضمننا البنت اللي قلت لكم عليها

وانا كنت متمغط على بطني وحاط ايديني على حنكي والعب برجولي ومنسجم مع القصه

وانا اقول بقلبي والله ما عندتس الا الدجه لولا هالمزيونه وربي ماقعدت اتابع

هالسالفه اللي تدبل التسبد هي ووجهها اللي تقول ركبت بعير 00 بس والله مو مقعدني

الا هالمزيونه اللي جمبي 00 العجوز تسولف وانا اوزع ابتسامات للبنت بالجمله

المهم انتهت القصه وقاموا الشباب وقمت انا بروح للبيت الثاني 00 قريب هو من نفس البيت

بس فيه براحه صغيره فيها شبك غنم لجيرانهم 0 والبنت راحت تنام بغرفتها

الوكاد طلعت يوم قربت لشبك الغنم الله يجيركم وتطري علي سالفة العنز اللي

قالتها الساحره العجوز 00 بصراحه قمطت العافيه 000 الييييييين هذي البلشه

الحين وش اسوي لازم اروح للبيت 0000 ظليت مصنعب عند الباب الخارجي افكر

مدري اروح وخايف من العنز والا اقعد ويشوفوني ويقولون هذا وش فيه ماراح

بعدين يقولون اكيد خاف من قصة العنز 000 وعقب اطيح من عين البنت

يعني موقف لااحسد عليه 00 المهم سويت نفسي ناسي قلم ورجعت لهم 00 مع اني وربي

ما جبت معي شيء 000 واجهتني العجوز وقالت هااااه وث عندك

<<<<<< قلت بقلبي جعلتس بالسلال الللي يسلتس وش سويتي فيني شلون ارجع

قلت لها لا بس نسيت قلمي وجيت ابي آخذه 000 قالت يوليدي رح الحين وبكره تلقاه

انا قلت الحين بترسل معي احد 000 ابيها تفهم اني ذلييييييت بس يلعن ام النذاله

شكلها تدري وتبي تمرج قلبي 000المهم سمعت باب غرفة البنت انفتح وانا آخذ فوق

تحت بسرررعه لاني مابيها تكشف اني رجعت من الخوف 000 قلت يالله سي يو لتر

حجيه 000 قالت منهو حيدر !!! 000 بغيت اهفها مخمس وربي 000 زرعت فيني الخوف

وبعد تستهبل علي آخر اليل 000 قلت لا حجيه بروح قالت رح يوليدي رح

عاد هنا خلاص 00 لازم اواجه الموقف يا يزل عقلي من الخوف يا اوصل اهلي

المهم تعديت الباب الخارجي وانا اتمشى شوي شوي يعني ثقه ما ني خايف

انا هين ركببي يحبن بعض من الخوف بس قاعد اونس نفسي يعني 00

لما قربت من الشبك وانا اسمع خرررفشه قلت بس هذي هي العنز تحولت لوحش اكيد

مافيها كلام ومن الخوف لاني اللي مشيت ولاني اللي رديت 000 وقفت بالنص من الخوف تقول اهبل

وبهاللحظه قررت اني اددددعس لآآآآخر الطبلون 000 وانا ارررررررررررررركض

وما التفت وراي امشي يمكن مليووووون 000 وربي يمكن ساعتها لو يدخلوني

سباق الماراثون لآخذ كاس العالم 000 المهم لما لمحت باب البيت وانا اركض

احس الحياه بدت تدب في عروقي من جديد ولكن 000 فجأه مادريت الا يوم الدنيا صارت سووودا

بالمرررره واحس اني ارتطمت بشيء قوي 000 اثاريني طحت بحفره قدام البيت

مدري منو حفرها جعل يحفره الترانزيت ايوالله 000 حفره مدري وش عمقها

الوكاد ماهي كبيره حيل بس من سرعتي يوم اركض دخلت بها بسرعه تقول ضب

وانا اقوم وانفظ الغبار اللي علي وتكسرت تكسير من الطيحه بس من الخوف ماحست بالالم

كان همي بس اوصل للبيت وهين الوجع مقدورن عليه 000

المهم وصلت البيت بسلام ولما طلع الفجر قررنا نرجع 000 بس بصراحه السالفه اللي

سوتها فيني العجوز غاثتني وناوي انكب عفشها مثل حاستني هكا اليوم 00

يوم قال ابوي يالله نبي نمشي 00 وانا اروح لها بالبيت كأني بسلم قبل ممشي

واجيب (( جراخي )) طرطعان يعني واحطه تحت العجوز لاني لقيتها متمدده بالحوش

تتشمس 000 قلت ايه تشمسي يا الساحره شغلك عندي واولع لك بالشراخي واهج ويوم وصلت

سيارة الوالد ماسمعت الا طراااااااااااااااااااخ

ومع هذي اللحظه انا كنت بالسياره ومتجه للبيتنا وشوف عجاجتها بالحوش

ماتدري وش اللي انفجر تحتها 000

وهذي سالفتي مع العنز المفترس 000

وعذارا للاطاله 000

با باي
*s